Viveiro, 29 de agosto de 2024. A Concellería de Mercados do Concello de Viveiro vén de solicitar unha reunión co Director Xeral de Comercio e Consumo, D. Gabriel Alén Castro, para abordar cuestións relativas á Praza de Abastos de Viveiro.
A concelleira Iria Cotelo solicitou recentemente a subvención da rede de Mercados Excelentes. Esta subvención contempla a realización dunha diagnose de situación da Praza de Abastos que permitirá identificar as necesidades específicas de comerciantes e persoas usuarias.
Paralelamente, estase a elaborar un anteproxecto de reforma, co obxectivo de modernizar e adaptar as instalacións aos estándares actuáis, para garantir un espazo máis funcional, atractivo e eficiente.
“Trátase dun proxecto ambicioso que busca non só a revitalización e modernización da Praza de Abastos, senón tamén o impulso do produto de proximidade e a mellora da calidade de vida dos nosos veciños e veciñas,” declarou a concelleira de Mercados.
“O noso obxectivo final é acadar a excelencia da Praza de Abastos do Concello de Viveiro, converténdoa nun referente de calidade e servizo, e por iso solicitamos esta xuntanza”, engadiu.
A concelleira sinalou que a reunión co Director Xeral de Comercio e Consumo “é fundamental para que este coñeza de primeira man a situación actual e poida valorar as melloras necesarias que estamos a propoñer”.
Cotelo reitera o seu compromiso “co desenvolvemento económico e social de Viveiro, apostando pola modernización das infraestruturas comerciais e polo apoio ao comercio local e ao produto de proximidade”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.