A Coruña, 22 de agosto de 2024. Toponimízate. Falámosche dos nomes da túa terra volve pórse en marcha. A campaña coa que a Real Academia Galega pon o foco de atención na nosa toponimia menor (nomes de terras, fontes, regueiros, penedos…) e na súa salvagarda a través da plataforma Galicia Nomeada retorna a próxima semana para seguir o seu periplo polo noso país tras o descanso estival. A cita será o venres 30 de agosto na Casa do Concello de Abadín a partir das 20:00 horas, e están convocadas todas as persoas amantes dos nosos nomes de lugar que queiran achegar o seu gran de area na conservación dun dos maiores tesouros colectivos do pobo galego.
O encargado de impartir o relatorio será Vicente Feijoo, coordinador técnico do Seminario de Onomástica da RAG, que centrará a súa intervención en explicar o funcionamento da aplicación Galicia Nomeada e as súas principais características: como solicitar unha conta de usuario; como introducir un topónimo; como anexar imaxes, arquivos de son ou documentos; como enviar suxestións sobre topónimos xa existentes no visor… Farao coa intención de sumar novos colaboradores e colaboradoras aos traballos de recolla toponímica que xa iniciaron algúns abadinenses que se deron de alta na plataforma colaborativa Galicia Nomeada, e que xa levan introducido arredor duns 250 topónimos. Pero Abadín posúe un extenso territorio, 196 km², distribuídos en 19 parroquias que contan con máis de 300 aldeas. Por tanto, aínda restan centos de microtopónimos por recoller e todos eles corren un alto risco de desapareceren.
Ademais de cuestións técnicas, tamén falaremos polo miúdo da orixe e significado dos nomes das parroquias do concello e dalgunhas das aldeas polas que a xente queira preguntar. Moitas delas con nomes tan singulares e de orixe incerta como A Maramiga, Billetes, Choi, Roma, Vacaferreira… únicos en todo o Nomenclátor de entidades de poboación de Galicia. A Choqueira é outro topónimo tamén único no país. A súa orixe talvez teña que ver co significado que no galego común ten o adxectivo homónimo ‘[Terreo] en que nace auga e que se move ao pisalo’, aínda que para Nicandro Ares tamén puido ser un ‘viveiro de plantas’. Esta parte do relatorio conta coas achegas etimolóxicas do académico da RAG e un dos maiores expertos en toponimia do país, Gonzalo Navaza.
Oito novas citas coa nosa recuperación toponímica ata final de ano
Abadín será a primeira das oito citas que ata a final de ano espallarán por todo o país a importancia de recuperar a nosa toponimia menor. Ademais do concello chairego, a campaña da RAG visitará Antas de Ulla (venres 6 de setembro ás 19:30 h na Antiga Casa Cuartel); Salceda de Caselas (venres 13 de setembro ás 20:00 h na Casa da Cultura Castelao); Láncara (venres, 20 de setembro ás 12:00 h no CPI Ramón Piñeiro); Barro (venres 27 de setembro ás 20:00 h no salón de plenos da Casa do Concello); A Arnoia (mércores 16 de outubro ás 12:00 h no salón da Cooperativa do Pemento); A Illa de Arousa (venres 18 de outubro ás 11:00 h no salón de plenos da Casa do Concello); e finalmente Boiro (venres 8 de novembro ás 20:00 h no Centro Social de Boiro).
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
