Nos case 5,3 millóns de euros de orzamento que manexará o Concello de Barreiros, o goberno municipal prevé a adquisición dos terreos para a instalación da EDAR
Barreiros, 14 de agosto de 2024. O Goberno de Barreiros vén de aprobar no pleno do pasado luns sen votos en contra o maior orzamento municipal da súa historia por importe de 5.299.343,99€.
Entre os investimentos aprobados, a rexedora destacou os destinados á adquisición dos terreos para a construción da nova EDAR en San Miguel, “non polo importe, senón polo simbolismo de poñer a primeira pedra para facer realidade tan demandada e necesaria infraestrutura”. Ana Ermida defendeu que o feito de contemplar este investimento nos orzamentos demostra que os goberno municipal está a poñer todo da súa parte para acadar o obxectivo final no que levan traballando o primeiro día e no que continuarán demandando a implicación do resto de Administracións.
Neste sentido, a alcaldesa informou que xa ten solicitada desde o mes de xullo unha reunión coa nova conselleira de Medio Ambiente para tratar esta cuestión, estando á espera de resposta á mesma.
Entre os investimentos previstos priorízanse os relativos á rede viaria cun importe de máis de 550.000 euros; a equipamentos públicos, como colectores de lixo ou alumeado público, cun investimento de máis de 104.000 euros ou os relativos ás redes de saneamento e abastecemento de auga, con máis de 63.000€ de investimentos novos, aos que deben sumarse os 668.500€ incluídos para mantemento e subministro destes servizos.
Ermida cualificou estes orzamentos como “realistas e axustados ás necesidades dun municipio de 3000 habitantes que está asumindo o dimensionamento duns servizos que deberían estar feitos antes de promocionar un modelo de crecemento habitacional que non se corresponde coa capacidade do mesmo”.
O financiamento municipal, debate necesario e urxente
A rexedora introduciu tamén a necesidade de “abordar con seriedade o modelo de financiamento municipal no seu conxunto e, especialmente, dos municipios galegos, que levan anos soportando unha posición de infrafinanciación na participación nos tributos do Estado o que sitúa á Administración Local Galega no seu conxunto como grande prexudicada con respecto a outros territorios.” Tamén recalcou a necesidade de “camiñar cara a un reparto de fondos entre administracións adecuadas ás competencias reais na prestación de servizos e ás necesidades sociais, xa que a dependencia dos concellos de recursos achegados desde outras administracións constrinxe de tal xeito que a falta de instrumentos financeiros equitativos e non arbitrarios por parte das administración supramunicipais, cunha estrutura metodolóxica na asignación de fondos que permitan aos concellos rurais maior flexibilidade e manexabilidade dos seus recursos, para maior liberdade e autonomía na xestión dos mesmos, provoca de facto a redución drástica de posta en marcha de proxectos ou políticas propias. Neste sentido, a participación nos impostos recadados por outras Administracións (autonómica ou estatal) debe realizarse por medio de instrumentos áxiles, que descarguen aos Concellos de burocracia innecesaria e que aseguren o coñecemento previo das cantidades obxectivas coas que conta cada administración local. Así, o Fondo de Cooperación Local debería reforzarse e converterse no instrumento de financiación preferente por parte da Administración Galega aos Concellos, eliminando outros instrumentos que debilitan os principios de igualdade e obxectividade que deben rexer o reparto de fondos públicos entre Administracións.”
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
