O horario da mostra será de 11:00 a 13:00 polas mañás e de 18:00 a 20:00 polas tardes
Burela, 22 de agosto de 2024. O Concello de Burela acolle a exposición “Luces de Alén Mar. As Escolas de Americanos en Galicia”, do Consello da Cultura Galega, na sala de exposicións da Casa da Cultura ata o 10 de setembro.
A mostra estará dispoñible para a súa visita nun horario de 11:00 a 13:00 polas mañás e de 18:00 a 20:00 polas tardes. Encádrase dentro da conmemoración do centenario das coñecidas como “Escolas Vellas” de Burela.
O Concello presentou a exposición xunto ao Consello da Cultura Galega nun acto no que interviron Rosario Álvarez Blanco, presidenta da institución, e a burelá Emilia García López, responsable de Acción Exterior da mesma.
A alcaldesa Carmela López sinala que “a mostra non só nos permite afondar nas nosas raíces e recoñecer o valor da nosa diáspora, senón que tamén serve como un testemuño vivo da riqueza cultural que Galicia ten para ofrecer ao mundo”.
“É unha inspiración para todos aqueles que amamos e respectamos a nosa identidade colectiva”, destaca a rexedora, que insiste “no orgullo que supón para o Concello colaborar cunha institución do prestixio do Consello da Cultura Galega”.
O tenente de alcaldesa Mario Pillado agradeceu pola súa banda “a participación de Rosario Álvarez Blanco e Emilia García López no acto, no que deron as claves da exposición e remarcaron que os proxectos das Escolas de Americanos en Galicia foron únicos en toda Europa”.
“Para nós é especialmente importante, no marco da celebración do centenario das Escolas Vellas, poñer en valor o papel da muller tanto na emigración, como na educación e na sociedade galega en xeral dende sempre”, subliñou Pillado.
O concelleiro resaltou así mesmo “a importancia da contribución da emigración e das persoas migrantes tanto na orixe como no destino, dende sempre”. “Nunha vila coma Burela témolo que ter moi claro, e por iso valoramos tanto esta colaboración e esta exposición”, afirmou.
“Faremos todo o posible para seguir colaborando no futuro co Conselllo da Cultura Galega e seguir acollendo actividades como esta”, concluíu o edil.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
