O voceiro do BNG no concello, Eloi Cabanas, pide a posta en servizo inmediata do único ascensor do centro de saúde de Mondoñedo tras máis de dous meses fora de servizo e ante o abandono e a falta de axilidade do SERGAS co arranxo da máquina avariada denuncia as incomodidades na atención das consultas médicas diarias que xera esta situación
Mondoñedo, 29 de agosto do 2024. Para o BNG é lamentable que a xerencia de atención primaria manteña o ascensor sen servizo durante todos estes meses e pide solucións con urxencia xa que non só afecta á operatividade dos profesionais que traballan no centro se non que tamén aos maiores con problemas de mobilidade que moitas veces teñen que ser atendidos na planta baixa do edificio pola imposibilidade de subir á consulta polos seus propios medios. “Esta situación e intolerable, dá coraxe ver aos nosos maiores que se dispoñen a subir con dificultade polas escaleiras durante todo este tempo por non poder empregar un ascensor ao que teñen dereito”.
Eloi Cabanas apunta que o edificio ten tres plantas e só conta co ascensor que agora está fora de servizo, afectando ao redor dunhas 300 persoas que son atendidas diariamente neste centro xa que, ademais das tres consultas de medicina xeral situados nos andares superiores do centro tamén están as consultas de pediatría, enfermería e fisioterapia.
CENTRO DE FISIOTERAPIA NA TERCEIRA PLANTA
O problema que denuncian os nacionalistas aínda se agrava máis no caso do servizo de fisioterapia que se encontra situado no terceiro andar do centro de saúde, onde se dan casos de pacientes recentemente operados e con próteses que teñen que acceder polas escaleiras para poder realizar os seus exercicios de rehabilitación.
“É un escándalo que o Partido Popular a través da consellería de sanidade manteña esta situación ao longo do tempo, sabemos de casos de doentes que non están sido chamados a recibir o seu tratamento de rehabilitación pola imposibilidade de acceder á instalacións do edificio”, conclúe.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
