Do 1 de setembro ao 4 de outubro convídasenos a vivir un tempo chamado “da creación”. As datas veñen fixadas por celebrarse o 1 de setembro a Xornada de Oración polo Coidado da Creación e o 4 de outubro por ser a festa de San Francisco de Asís, patrón da ecoloxía. Trátase dunha iniciativa promovida por todas as Igrexas cristiás (católicos, ortodoxos, reformados…), unidas na preocupación e responsabilidade ante o coidado da creación.
Tamén desde a nosa diocese vivirémolo comunitariamente. Así o fixemos onte en Neda e seguirémolo facendo con algunhas outras actividades que se promoverán ao longo deste tempo. Convido a que individual e parroquialmente tamén organicedes algún tipo de acción que nos estimule a vivir mellor os obxectivos deste tempo. Sen dúbida en todas as parroquias hai lugares marabillosos que nos poden axudar a celebrar a marabilla que Deus nos deixou na creación e a asumir a responsabilidade ética do seu coidado.
De que se trata? Fundamentalmente de dedicar un tempo para pensar e mirar a creación con outros ollos, se é posible, cos ollos de Deus. Todos sabemos que, na vida ordinaria, habemos de sacar un tempo para moitas cousas, especialmente para as importantes. E cando descoidamos os tempos para as persoas e as responsabilidades, as cousas reséntense. Este “tempo da creación” é unha proposta para admirar, contemplar, agradecer, reflexionar, pensar, orar, escoitar o berro da creación e dos pobres… e comprometernos en clave de coidado.
A nosa casa común, a que habitamos, é un agasallo recibido. Trátase dun don que non podemos utilizar unicamente en clave de proveito e explotación, senón desde a xustiza interxeracional. As noticias fálannos de recursos limitados, da desaparición de especies, de refuxiados climáticos, da interconexión dos fenómenos, de cambios de ciclos provocados pola acción humana, de futuro incerto… Non podemos mirar a outro lado e gozar do que temos irresponsablemente.
E moito menos como cristiáns. A nosa fe nun Deus creador lémbranos a primacía de Deus sobre as cousas e que foi por puro amor polo que gozamos desta beleza que entraña o misterio da vida. Ademais, sabernos criaturas axúdanos a sentirnos vulnerables e necesitados todos de todos no asombro da diversa dignidade coa que Deus nos marcou. En efecto, a singularidade do ser humano axúdanos a descubrir tamén “a bondade dos demais seres creados, que existen non só en función do ser humano, senón tamén cun valor propio e, por tanto, como dons que lle foron confiados para ser custodiados e cultivados”.
A preocupación ecolóxica para os cristiáns, por tanto, non é unha moda que nos conecta cos tempos actuais. Tampouco é unha cuestión puramente ética. Trátase, como di o papa Francisco,
de “unha cuestión eminentemente teolóxica, pois concierne ao entrelazamiento do misterio do home co misterio de Deus”. Porque cremos nun Deus Creador e nun Deus que está ao final da Historia, sentimos en camiño de esperanza cara á plenitude de todas as cousas en Cristo. A casa común non nos é allea, senón que está chamada a participar nesa chamada á plenitude.
Convídovos a que este tempo nos axude a coñecer mellor o que nos pasa no noso mundo. Que as súas chagas nos indignen e provoquen un cambio nos nosos estilos de vida para volvernos máis sobrios e solidarios. Que todo iso nos axude a promover unha necesaria transformación cultural que alente os cambios estruturais urxentes desde o punto de vista económico. E que a espiritualidade ecolóxica nos axude a ver con ollos renovados as marabillas que hoxe contemplamos.
O voso irmán e amigo,
Fernando García Cadiñanos
Bispo de Mondoñedo-Ferrol
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
