Os deputados populares defenderon unha moción para que os 21.756.212,86€ procedentes da liquidación definitiva da participación das entidades locais nos tributos do Estado do ano 2022 se destinasen á mellora e ao mantemento da rede viaria provincial e ao incremento dos fondos destinados ao Plan Deputación a través dunha liña adicional de cooperación cos Concellos, ambas competencias directas da Deputación
Lugo, 24 de setembro de 2024. Os deputados do Grupo Provincial Popular denuncian “a ditadura” de PSOE e BNG á fronte da Deputación de Lugo tras ver como socialistas e nacionalistas se negaron a apoiar unha iniciativa para repartir case 22M€ entre as dúas principais competencias da Deputación: a colaboración cos concellos e o mantemento da rede de estradas provincial.
O voceiro popular, Antonio Ameijide, denuncia que José Tomé e os deputados socialistas e nacionalistas “impuxeron unha política de amiguetes” á fronte da Deputación de Lugo que ten como resultado “que sempre se beneficia aos mesmos concellos, aqueles gobernados por alcaldes do PSOE e do BNG”. “Esta forma de facer política ten un resultado nefasto, indo en contra da igualdade que dende o PP sempre defendemos xa que sempre se discrimina á metade de lucenses da provincia, sempre á mesma metade de lucenses”, lamentou.
Os deputados populares defenderon unha iniciativa para pedir que o goberno provincial destine os 21.756.212,86€ procedentes da liquidación definitiva da participación das entidades locais nos tributos do Estado do ano 2022 á mellora e ao mantemento da rede viaria provincial e ao incremento dos fondos destinados ao Plan Deputación a través dunha liña adicional de cooperación cos Concellos.
Ameijide sinalou que destinar eses fondos a esas dúas liñas de actuación “é a mellor opción” xa que suporía dobrar o orzamento para o mantemento de estradas provinciais, “unha necesidade prioritaria en toda a provincia”, e o Plan Deputación “é o mellor medio que temos na actualidade para repartir fondos entre os 67 concellos da provincia en base a criterios de igualdade e xustiza, en lugar do camiño tomado por PSOE e BNG de dar convenios a dedo aos seus alcaldes afíns”.
RECLAMAR SERVIZOS FERROVIARIOS
Os populares acadaron a aprobación (12 votos a favor do PP, 10 en contra do PSOE e 2 abstencións do BNG) dunha moción para reclamar ao Goberno de España servizos ferroviarios de calidade para a provincia de Lugo, algo ao que “de xeito incrible se negaron tanto PSOE como BNG”.
A realidade é que, pese a aprobación desta iniciativa, tanto socialistas como nacionalistas dende o goberno da Deputación de Lugo “están a amparar” as decisións do Goberno de Pedro Sánchez que provocan que “Lugo sexa a provincia máis illada de España” e que, entre outras deficiencias en materia de comunicacións “os lucenses vexamos como as obras de electrificación da vía na zona sur da provincia seguen acumulando atrasos e sen visos de rematar”. “Se de verdade quixesen a igualdade de servizos para todos os lucenses votarían a favor desta iniciativa sen dubidar”, reflexionou.
O primeiro prazo de finalización era o último trimestre de 2023, logo en abril de 2024 e o último prazo foi o 30 de setembro deste ano “pero os traballos restantes aínda durarán varios meses máis”.
Decisións do Goberno do Estado, amparadas por socialistas e nacionalistas en Lugo, que provocan que a provincia de Lugo sexa a única de Galicia e da contorna sen alta velocidade, así como que non se recuperaron as frecuencias de tren suprimidas durante a pandemia nin tampouco se remataron as obras de supresión dos pasos a nivel, detidas dende hai meses.
Co seu voto en contra, José Tomé, PSOE e BNG tamén se negaron a que os lucenses teñamos as mesmas condicións nas que se presta o servizo do FEVE tendo como principal desigualdade que este servizo é gratuíto para todos os usuarios de Asturias e Cantabria, mentres que os galegos temos que seguir pagando por este servizo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
