Os concelleiros populares defenderán esta iniciativa no pleno municipal deste mércores
Viveiro, 24 de setembro de 2024. Os concelleiros do PP instarán ao goberno local bipartito no pleno deste mércores a “completar a actuación do parque Pernas Peón coa recuperación e rehabilitación dos elementos xa existentes”.
Os populares cren que as actuais intervencións que se están a acometer -cunha axuda concedida pola Xunta ao Concello para o embelecemento do litoral galego e financiada con fondos europeos – se deben completar con labores de limpeza e rehabilitación dos muros do edificio e das fontes.
O Grupo Municipal Popular explican que “a zona dos antigos baños e de almacén está bastante descoidada”. Así mesmo, “os graffitis e pintadas cobren o edificio e as fontes -unha inservible e outra que padece o maltrato do paso do tempo sen mantemento- ofrecendo un aspecto pouco digno para este parque” que “se atopa nunha zona bastante concorrida por mozos e mozas ao situarse próximo ao IES María Sarmiento”.
É que, segundo os populares, “o parque Pernas Peón é unha das paraxes naturais máis características e populares do noso concello que linda ao norte coa praia de Covas, paseo marítimo por medio. É un enclave privilexiado ao aire libre apartado da zona residencial e susceptible de novos usos de carácter lúdico, de lecer, deportivo e de esparexemento en comuñón e respecto co medioambiente”.
ANUNCIOS E PROPOSTAS
Os concelleiros do PP afean tamén que “o goberno bipartito PSOE-BNG anunciara hai uns meses a súa intención de intervir o parque dotándoo de espazos deportivos con zona de baloncesto e taboleiros de xadrez pintados nas vellas mesas, pero que aínda non se materializara”.
Pola súa banda, os concelleiros do Grupo Municipal Popular xa pediron, no pasado pleno de agosto, impulsar a rehabilitación do edificio municipal do parque Pernas Peón e o trazado da vía que discorre paralela á praia de Covas. Concretamente, instaban ao equipo de goberno municipal a realizar o mantemento oportuno e as melloras necesarias para adaptar o edificio do parque Pernas Peón e poder sacar a licitación o seu uso máis pronto que tarde.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
