Dende o Grupo Provincial Popular explican que o 6 de setembro a Valedora do Pobo requiriu de novo á Deputación de Lugo a necesidade de aportar o informe complementario urxente solicitado o 31 de xullo en relación á decisión de José Tomé de impedir a entrada dos deputados populares a edificios de titularidade provincial “sen visto e prace presidencial”
Lugo, 17 de setembro de 2024. A Valedora do Pobo remitiu unha carta aos deputados do Grupo Provincial Popular na que informa que o 6 de setembro deste mes vén de reclamar á Deputación de Lugo o informe complementario urxente solicitado o pasado 31 de xullo, en relación á reclamación presentada polos populares sobre o veto de José Tomé de acceder aos edificios de titularidade provincial.
No seu escrito, a Valedora do Pobo recorda á Deputación “a obriga de enviar os informes requiridos (art. 22 da Lei 6/84, do Valedor do Pobo) e de prestar o auxilio e colaboración que lle sexan demandados por esta institución nas súas investigacións e actuacións”.
Ante esta situación, o voceiro provincial popular, Antonio Ameijide, explica que “vemos como a falta de transparencia, a falta de colaboración institucional e o autoritarismo” seguen a ser “as sinais de identidade” do goberno de José Tomé á fronte da Deputación de Lugo.
Un dos exemplos que destacan os populares de veto de entrada a edificios da Deputación é a residencia de Becerreá, á que se solicitou acceso o pasado 19 de xullo “e aínda non obtivemos resposta algunha”.
Recorda o voceiro popular que, segundo se establece no artigo 22 citado pola Valedora do Pobo:
1. Admitida a trámite unha queixa, o Valedor do Pobo promoverá a oportuna investigación sumaria e informal. En todo caso, informará o organismo ou a dependencia administrativa do contido substancial da solicitude, reunindo cantos datos coide pertinentes, que terán que serlle remitidos no prazo de quince días, a non ser que a complexidade do asunto aconselle, ao seu criterio, prorrogar o prazo por un mes.
2. A negativa ou neglixencia de calquera organismo, funcionario ou dos seus superiores responsables ó envío dos informes solicitados poderá ser considerada polo Valedor do Pobo de Galicia como hostil e entorpecedora das súas funcións, facéndoa pública de inmediato e destacando tal cualificación no seu informe anual ou especial, se é o caso, ó Parlamento. Tamén poñerá os ditos feitos en xerárquico, informando sobre o seu comportamento por se fose susceptible de corrección disciplinaria.
Unha situación ante a que Ameijide afirma: “non hai dúbidas de que José Tomé ten algo que agochar, do contrario non tería ningún problema en facilitar toda a información que lle solicita a Valedora do Pobo ademais de facilitar o acceso ás instalacións provinciais aos deputados populares”.
PETICIÓN DE AMPARO ANTE A VALEDORA DO POBO
Dende o Grupo Provincial Popular rexistrouse en outubro do ano pasado un escrito pedindo o amparo da Valedora do Pobo para facer valer os dereitos dos deputados populares debido ao veto por parte do goberno provincial e do seu presidente, José Tomé, para que os deputados populares puidesen acceder a dependencias de titularidade da institución provincial.
Unha reclamación que a Valedora do Pobo admitiu a trámite por entender que reúne os requisitos formais recollidos no artigo 18 da Lei da Valedora do Pobo, e que atopa, en principio, cobertura constitucional derivada do artigo 23 da Constitución, polo que iniciou as actuacións ante a Deputación de Lugo requiríndolle información sobre o motivo a queixa.
O 15 de marzo deste ano a Valedora do Pobo emitiu a súa resolución sobre a petición formulada e “foi clara e rotunda” ao indicar a José Tomé:
“Que se garanta a libre entrada das persoas deputadas provinciais ás dependencias da Deputación de atención directa á cidadanía; e que nas dependencias nas que se desenvolvan tarefas propias da Deputación, pero sen atención directa á cidadanía, se estableza un réxime de acceso cunha sinxela comunicación previa dada no prazo que se indique, de tal forma que o ente provincial poda establecer as garantías organizativas necesarias para o desenvolvemento da visita”.
“Non precisamos ningún tipo de permiso nin comunicación previa para acceder a edificios da Deputación de atención ao público”, sinalou.
A pesar desta resolución, José Tomé segue a “entorpecer” a actuación de fiscalización e control dos populares xa que “segue na súa liña de aprendiz de ditador” ao non acatar a resolución da Valedora do Pobo e manter a súa liña de petición de acceso directamente ao presidente e agardar a que teña a ben asignar data e hora para os accesos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
