Ribadeo, 17 de setembro de 2024. A comisión encargada de dotar de escudo e de bandeira a Ribadeo aprobou por unanimidade os deseños. O Concello convocará un acto oficial para proceder á súa colocación e izado.
O alcalde, Dani Vega, contou que “hoxe reuniuse a comisión encargada de dotar dun escudo e dunha bandeira a este Concello. Con carácter oficial, reuniuse neste Concello esta comisión, onde se estudou durante todo este tempo, onde se analizou conxuntamente co Instituto de Estudios Galegos Padre Sarmiento, co cronista oficial de Ribadeo, coa Dirección Xeral de Administración Local e tamén co Consello da Cultura Galega”.
O rexedor explicou: “chegouse a un acordo unánime despois deste tempo de estudo, tempo de análise, onde se aprobou unha bandeira e onde se aprobou por unanimidade un escudo. Varían pouco certas cousas. O color azul predomina, así como o branco das olas e da estrela. A estrela vaise modificar, pasa de cinco a oito puntas, como son a plena totalidade de escudos de España ou de Europa. É verdade que os de cinco puntas son máis de escudos de Inglaterra e de Estados Unidos. E a Comisión de Heráldica entendía que Ribadeo tiña que ter esa estrela de oito puntas”.
Vega relatou que “a chave deste Concello, desta porta de entrada de ouro, queda aprobado por unanimidade. Tamén todos os grupos políticos estiveron de acordo e a partires de agora empeza a tramitación administrativa. Aprobarase en comisión tamén na Xunta de Galicia, irá a pleno municipal, irá tamén ao Consello da Xunta e remataremos todos estes traballos cun acto oficial en Ribadeo, de aprobación e de colocación do escudo e tamén do izado da bandeira de Ribadeo”.
O alcalde ribadense tivo palabras de agradecemento para os integrantes da comisión estudosa: “felicitar a todos os grupos políticos que estiveron de acordo, estivemos de acordo, felicitar tamén aos técnicos do Concello e ao Instituto Padre Sarmiento, ao cronista oficial, que nos foi de moitísima axuda e quérollo agradecer de corazón porque todo o traballo que fixo foi moi importante e a súa opinión foi moi escoitada e destacada e a partir de aí actuamos todos. Tamén agradecer á Dirección Xeral da Administración Local e, en definitiva, un traballo que foi ben empezado tiña que rematar tamén ben. Polo tanto, grazas a todos. Convocaremos o próximo acto para o izado e a aprobación e a colocación do novo escudo”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
