Dende o PP fanse eco da proposta realizada polos familiares dos usuarios da residencia para buscar unha fórmula para asumir a suba entre ambas partes o que se traduciría “en que a suba sería moito menor do que está a pagar Cajoto cada mes”
Foz, 7 de setembro de 2024. O Partido Popular de Foz denuncia que a “neglixente” xestión do señor Cajoto a fronte do Concello está a provocar o abandono da residencia do municipio, “un servizo público no que o alcalde prefire que vivan persoas doutras localidades a veciños de Foz para así non ter que poñer nin un euro para este servizo, xa que prefire os fondos para custear os seus festíns electorais, como no ano 2023”.
O voceiro popular, Javier Castiñeira, afirma que a liña de traballo de Cajoto “abandonando este servizo, cústanos a todos os focenses 30.000€/mes (360.000e cada ano)”.
Un custo que podería ser moito menor se o alcalde tivese “a altura de miras suficiente” para sentarse a escoitar aos familiares dos usuarios da residencia que, conscientes da suba, propoñen a Cajoto unha fórmula para financiar esta suba entre ambas partes. “Se falase cos familiares e chegara a un acordo a suba sería moito menor do que está a pagar o alcalde cada mes”, anuncia.
Dende o PP insisten na súa proposta de crear unha residencia municipal para os focenses, pero “Cajoto segue inamovible na súa postura de non crear ningunha ou o que é peor facerlle a vida imposible aos usuarios e traballadores da actual”.
Unha situación que amosa ás claras o que quere o señor Cajoto: “Non quere que na residencia de Foz haxa veciños do noso municipio, pese a que todos os focenses queremos que esta residencia sexa, principalmente, para veciños de Foz e para iso ten que ser municipal”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
