O Vicedo, 24 de setembro, 2024. A Asoc.Cultural Volta e Dallé organiza o vindeiro sábado unha tarde de música e teatro para comezar outono.
Ás 18h Concerto do cantautor Xosé Constenla
Xosé Constenla presentará o seu disco – libro “Para non esquecer” Gravado nun antigo campo de concentración franquista na Pobra do Caramiñal , este disco é unha gran aportación para a Recuperación da Memoria Histórica e a lembranza da loita antifranquista en Galiza.
Ás 19:30h Actuación de Clara Gayo e Carlos Santiago. “Gayo e Santiago, teatreiras en paro”
Clara Gayo e Carlos Santiago, dramaturgas de longo alento unidas pola máis fonda amizade, xuntan forzas para animarse no medio da crise e a desesperación que persegue ás autoras e autores de teatro feito na Galiza. Para conxurar a situación, e armados da máis destemida retranca, poñen pé no Teatro das Cortes para nos convidar a un pequeno paseo pola súa obra, nunha leitura dramatizada de textos e escenas que deron voltas polos máis variados palcos da península ibérica.
Ás 20:30h Concerto de Cé Orquestra Pantasma
Remate da xornada co grande home orquestra!
A entrada será de balde. As actividades están organizadas pola A.C. Volta e Dálle e contan co apoio da Área de Cultura da Deputación de Lugo.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
