Dende o PP local subliñan que “varios servizos teñen os contratos caducados” polo que urxen ao goberno municipal a “regularizar canto antes a súa situación”
Lourenzá, 5 de setembro de 2024. O PP de Lourenzá advirte que “o goberno local socialista só executou no ano 2023 o 70% dos investimentos que tiña previsto -o que supoñen só o 15% do total do orzamento municipal- e só dirixiu ás asociacións a metade do que tiña recollido no orzamento”.
Neste sentido, os populares convidan ao goberno do PSOE a “xestionar debidamente os recursos do Concello, non deixar pasar oportunidades e corrixir o sistema para conceder axudas ás entidades asociativas de Lourenzá de forma que poidan recibir o apoio do Concello para desenvolver as súas actividades”.
Estas son algunhas das conclusións que os populares sacan da conta xeral do exercicio 2023 que estará a exposición pública durante 15 días hábiles. Os concelleiros poñen tamén atención en que hai débeda de distintos créditos a pesar de dispoñer de remanentes. E incluso dispoñendo de liquidez, “o goberno local tarda unha media de 2 meses (61 días) en pagar aos provedores”.
E aínda que se dispón de remanentes tamén advirten que baixan 98.000 euros con respecto ao ano anterior. “Isto é un claro indicador de que o Concello non é sostible”. Así mesmo, subliñan que “non se xera actividade económica e, polo tanto, deixa de recadar taxas”.
Neste contexto, o portavoz popular, Roberto Díaz, sinala que “é a Xunta de Galicia a administración que máis aporta ao Concello de Lourenzá multiplicando por oito a achega da Deputación de Lugo, segundo os datos que o propio Concello facilita na memoria da conta xeral”.
Tamén subliñan dende o PP local que “varios servizos teñen os contratos caducados” polo que urxen ao goberno municipal a “regularizar canto antes a súa situación”.
PERDA DE POBOACIÓN
O documento reflicte tamén claramente “a constante perda de poboación no municipio nos últimos anos” que, segundo os populares, se debe “á inexistencia de políticas locais para loitar contra o despoboamento: non están a fomentar o asentamento da poboación nin impulsan medidas para xerar oportunidades de emprego no noso concello”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
