O acordo pide ao Instituto Español de Oceanografía unha campaña científica específica no Cantábrico e, en función das súas conclusións, medidas de xestión que permitan mellorar a situación
Madrid, 17 de setembro de 2024. O senador lucense José Manuel Balseiro defendeu unha iniciativa, promovida polo Grupo Popular na sesión da Comisión de Pesca da Cámara Alta que tivo lugar esta mañá, pola que se esixe ao Goberno de España que investigue as causas da redución de capturas de xarda. Este é o cuarto ano consecutivo que a frota galega –e moi en particular a lucense, pioneira na xestión desta especie- ve como descende o número de capturas.
Os populares lograron o apoio das principais forzas políticas á súa iniciativa -que prosperou sen ningún voto en contra- e, deste xeito, mandarase ao Executivo central a encargar ao Instituto Español de Oceanografía (IEO) a que organice unha campaña científica prospectiva e específica en augas do Cantábrico. O acordo final incorpora unha emenda do PNV aceptada polo PP, pola que se suma a esta campaña científica o AZTI – Centro de Investigación Mariña e Alimentaria do País Vasco.
O obxectivo dos populares, facéndose eco das demandas do sector, é coñecer cal das hipóteses que se manexan sobre as causas deste descenso no número de capturas é a cientificamente relevante e, en función das conclusións que se aceden, que as distintas administracións pesqueiras e o propio sector adopte as medidas de xestión necesarias para corrixir e mellorar a situación.
A campaña da xarda, tamén coñecida como caballa ou verdel, en función do territorio, é unha das especies de interese pesqueiro máis relevantes da flota do cerco que faena no Cantábrico, ademais do impacto indirecto que ten nas empresas de transformación de peixe. Entorno a unha trintena de barcos lucenses participan nesta pesqueira que chegou a representar o 65% das vendas en lonxa por volume. A redución de capturas se traduce nunha baixada dos ingresos en pósitos como os de Burela, A Coruña ou Ribeira, onde esta especie ten un maior peso. Con todo ese non é un problema exclusivamente galego senón que afecta a toda a frota asturiana, cántabra e vasca.
Balseiro lembrou que o Goberno ten nas súas mans ferramentas desaproveitadas como é o IEO, que debe estar ao servizo dos intereses da pesca. A argumentación científica é clave non só para mellorar a pesqueira de moitas especies comerciais senón para lograr que as administracións pesqueiras e nomeadamente Europa, tome decisións máis acordes coas necesidades da frota. O Goberno de Pedro Sánchez, tan afastado dos intereses do noso mar, non pode seguir de brazos cruzados” concluía Balseiro, quen se felicitaba por este acordo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
