Os populares analizaron a situación do Concello nunha reunión na que concluíron que “o mellor para Viveiro nestes momentos sería contar cun goberno liderado polo Partido Popular”
Viveiro, 28 de setembro de 2024. O PP de Viveiro mantivo este venres unha reunión con afiliados e simpatizantes na que analizaron a situación do Concello e respaldaron a liña de traballo da portavoz, Mariña Gueimunde, e tódolos concelleiros do Grupo Municipal Popular coincidindo en que “neste momento, o mellor para Viveiro sería contar cun goberno liderado polo PP, a forza máis votada nas eleccións municipais”.
“É o momento de tomar decisións” e, “pensando sempre no mellor para Viveiro”, recentemente teñen instado publicamente ao grupo de XViveiro a apoiar unha moción de censura liderada polo Partido Popular, o grupo maioritario na corporación municipal con 7 dos 17 concelleiros.
A presidenta e portavoz, Mariña Gueimunde, deu conta do traballo realizado neste ano e medio e explicou aos asistentes que “o obxectivo da proposta de presentar unha moción de censura é reverter a situación de parálise do actual goberno municipal bicéfalo -a alcaldesa e a tenente de alcaldesa contradinse-, a deriva económica pola súa falta de xestión -máis de 1M€ en facturas sen consignación presupostaria pendentes do 2023-, a perda de servizos -coma a Policía Local e grúa municipal e os problemas co abastecemento de auga nas parroquias- e a falta de mantemento do patrimonio e das tradicións”.
Ante esta situación e “debido a que ninguén move ficha, temos o dereito e a responsabilidade de buscar unha reacción entre as partes implicadas” -engadiu- “para reconducir a situación e que o Concello non perda o que queda de mandato” porque “afectaría á totalidade dos veciños e veciñas”. Nese sentido, os populares conclúen que “Viveiro necesita o cambio que pediron os viveirenses nas urnas”.
ACORDO PROGRAMÁTICO PSOE-XVIVEIRO SEN CUMPRIR
Gueimunde subliñou que “se XViveiro non reacciona é porque segue apoiando ao goberno bipartito” a pesar de que “do acordo programático entre o PSOE e a formación independente para investir alcaldesa á señora Loureiro para o que o propio XViveiro lles daban un prazo para iniciar ou executar as medidas inferior a 2 anos, non están a cumprir nin un só punto”:
1. Subvención anual do 50% do custe do Conservatorio de Música por parte da Deputación Provincial de Lugo.
2. Aprobación do Plan Xeral de Ordenación Municipal.
3. Aceptación inmediata da cesión do muelle vello e da explanada da parcela completa do casino.
4. Semipeatonalización da Travesía da Mariña, mellora dos xardíns Noriega Varela e arranxo completo do muelle vello creando unha zona de aparcamento, esparexemento e ocio.
5. Reparación da explanada do Casino, reforma das pistas deportivas para uso público.
6. Construción das pistas de atletismo en Celeiro ou Cembedo.
7. Inversión de 300.000€ anuais durante os 4 anos para mellora de saneamento, abastecemento e pistas nas parroquias, mediante a elaboración dun plan de actuacións por parroquia.
8. Reparación das beirarrúas de Xunqueira no primeiro semestre de 2024.
9. Parque infantil cuberto en Lodeiro durante o ano 2024.
10. Creación dunha comunidade enerxética, para xerar novos ingresos municipais a través da aposta pola enerxía solar fotovoltaica.
11. Creación de parques para cans nos tres núcleos urbanos do Concello e habilitar zonas de praia durante o verán.
12. Convocatoria anual do Foro Económico de Viveiro, que mellore a relación entre as empresas locais e sirva de impulso para a mellora empresarial de Viveiro.
13.Realizar un plan de captación de empresas, creación dun coworking municipal, unha lanzadeira de empresas.
14. Renovación completa do pavillón municipal de deportes.
15. Creación da Casa da Cultura no antigo centro comarcal de Lodeiro.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
