Ribadeo, 2 de setembro de 2024. Álvaro Doural, o presidente de Apaga, fai un balance positivo da I Feira do Automóbil celebrada en Ribadeo esta fin de semana, os días 31 de agosto e 1 de setembro, no porto a carón da lonxa. As empresas participantes están contentas cos contactos realizados e coas vendas e xa pensan na que será a segunda edición no 2025.
Doural declarou que o evento funcionou: “ben, moi ben. Creo que foi todo un éxito. Unha das cousas fundamentais é que o tempo axudou aínda que as previsións eran bastante complicadas polo menos para o primeiro día. En relación á participación, non é que houbera un mogollón de xente, pero houbo sempre persoas alí que viñan porque estaban interesadas á hora de mirar para comprar algún vehículo… Todas as empresas participantes venderon coches e fixeron contactos. Nese caso os participantes estaban moi contentos”.
O presidente de Apaga anunciou que xa están pensando na segunda edición: “a principios do ano que ven faremos unha reunión para planificar a segunda feira. Non sei se vai ser nestas datas exactamente ou se buscarán outras novas. Ao mellor se cambia algo o formato porque este fíxose con bastante presa e non co tempo que necesitan estas cousas”.
Para Álvaro Doural o importante foi a participación de 6 empresas da zona e a acollida que tivo a I Feira do Automóbil celebrada en Ribadeo: “sorprendeu bastante a acollida e quizais o de sacar un evento deste tipo do centro do pobo fai que o persoal que vai sexa moito máis selectivo e moito máis centrado no que verdadeiramente é unha actividade destas, que era o que realmente se perseguía. Había certa preocupación por parte das empresas, que movera moita xente e non estivera controlada. Pero non, desenvolveuse todo con orde”.
O presidente de Apaga considera que “hai gañas de volver vivir a experiencia. Haberá que analizar tamén todas as cousas e ao mellor se poden incorporar algunhas novas. O sitio é perfecto e ofrece unas condición de visibilidade e de acollida perfectas”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
