Lugo, 25 de outubro de 2024. Monterroso, Outeiro de Rei, Barreiros, Baleira e Castroverde acollen esta fin de semana representacións do Circuíto de Teatro Profesional impulsado pola área de Cultura da Vicepresidencia da Deputación que inclúe 59 representacións de 14 compañías por toda a provincia.
26 de outubro. 18.30 horas. Centro Sociocultural. Monterroso
Ubú Teatro. O vixilante de soños
Teatro con monicreques. Público familiar a partir de 3 anos
Desde pequeno, Sonólicus quere chegar á lúa. Busca no reflexo das pozas e dos espellos, sube ás caixas esmoreadas e aos tellados, e tantos esforzos fai por conseguilo e tanto estira os brazos cara á lúa que lle
medran ata a deformidade. O seu empeño semella unha fantasía infantil da que a nai é testemuño. Unha noite acaba de medrar e, non só acada o seu obxectivo de acompañar á lúa, senón que se converte apra sempre no
vixiante do sono e dos soños infantís.
Autoría: Ana Carreira
Dirección: José Campanari
Elenco: Marga Portomeñe e Ana Carreira
Duración: 45 minutos
26 de outubro. 19.00 horas. Colexios Vellos de San Miguel. Barreiros
Mircromina Títeres. Alma de Cartón
Traxicomedia experimental. Publico a partir dos 16 anos.
O cotián máis proximo a tomarse un café queda lonxe dos misterios da alma, tan tan lonxe que se tocan. A política é cada bocado que lle das ao corpo e a infamia segue a estudiarse nos libros de texto. Que máis se pode pedir? Internet…redes…citas.
Autoría: Señor Bigote
Dirección: Servosistema
Elenco: Ton Arenas.
Duración: 50 minutos
26 de outubro. 19:00 horas. Local Social O Cruceiro. Outeiro de Rei.
A Compañía Solitaria do Dr. Monifate. Badman, un home malo
Comedia tráxica con notas musicais. Publico a partir dos 16 anos.
Andréas Kakós Ánthropos (un home malo) na súa busca do mal atopou dous elementos que lle permiten facer o mal: a verdade e a arte contemporánea. Sobre estes dous elementos constrúe un monólogo dialogado no que pretende incomodar ao público. Logo de tentar amosar o mal a través dun home malvado, Andréas decátase de que o mal xa está aló, no cotiáne entre o público, polo que trata de facer reflexionar sobre a maldade intrínseca do humano e a súa necesidade. Unha peza nun reducido espazo con aproximacións á comedia e ao monólogo (cómico?) dende unha perspectiva filosófica. Cancións e música para suavizar o mal, ou para darlle énfase. Un diálogo co público no que, contrariamenteás pezas que “dialogan co público”, permítese que este responda e fale. Unha perspectiva que cuestiona a bondade de todo o ben que facemos e o mal necesario que deixamos facer.
Autoría, dirección e elenco: Gustavo Fouce.
26 de outubro. 19.00 horas. Centro Sociocultural do Cádavo. Baleira
Bátega Teatro. O mundo de Martiña.
Teatro Musical. Público a partir dos 14 anos.
Martiña é unha nena moi curiosa e espilida, mais hai coisas que non logra enteender, como por exemplo que as súas opinións sexan menos importantes que as dos adultos, ou que teña que calar e obedecer a papá, a mamá, ao pai Edelmiro, á tñia Amparo…., cando é evidente o trabucados que están acotío. Iso de que estean Deus, o Ratiño Pérez, os Reis Magos ou o anxiño da garda observándoa para xulgar o seu comportamento e premiala ou castigala, tampouco lle acaba de gustar. Na segunda metade do espectáculo, veremos a Martiña medrar, afrontar a regra, a paixón adolescente, a autoridade paterna ou o mundo laboral. Verémola sortear obstáculos e sacar conclusións. A través dun monólogo teatralizado, musicado e entretecido con cancións, Martiá enfrontarase á vida coas armas que vai descubrindo. O seu espítiro crítico e as súas dúbidas respecto ao establecido nunca a abandoarán.
Autoría e dirección: Raquel L. Cendán
Fotografía: Diego Núñez
Técnica: José Antonio Salvador
Elenco: Pedro Insua e Raquel L. Cendán
Música: Pedro Insua
27 de outubro. 18:00 horas. Centro Sociocultural. Castroverde.
Teatro do Miolo. Saíndo do cerco.
Comedia. Todos os públicos
Suso é o un novo residente do centro de maiores. Pensa que por estar na última etapa da vida, esta xa non merece ser vivida. Amalia, unha compañeira de residencia, pode ser a peza que faga dar un xiro aos acontecementos, facendo que Suso atope o sentido da súa vida.
Autoría e dirección: Guillermo Cancelo
Elenco: Chelo Lamela, André Vázquez e Guillermo Cancelo.
Duración: 50 minutos
Circuíto de Teatro Profesional: 59 representacións de 14 compañías
Trécola Producións, Xamón Producións, Ítaca Teatro, Ubú Teatro, Pinconús, Teatro do Miolo, Señor López Producións, Satori Teatro, Baixo da Area Teatro, Lîlâ Teatro, Bátega Teatro, Mocromina Títeres, A Compañía Solitaria do Dr. Monifate e Loia Producións xirarán por toda a provincia co Ciclo de Teatro Profesional da Vicepresidencia da Deputación de Lugo con propostas escénicas están destinadas a distintos públicos, desde teatro de títeres para público novo ata montaxe con gran peso do baile tradicional e da música en directo na escena ata adaptacións teatrais de textos literarios como Poeta en Nova York.
O calendario, confeccionado coa colaboración de concellos e asociacións, inclúe representacións en A Fonsagrada, A Pastoriza, A Pontenova, Alfoz, Antas de Ulla, As Nogais, Baleira, Barreiros, Begonte, Bóveda, Burela, Carballedo, Castroverde, Cervo, Chantada, Cospeito, Foz, Friol, Guitiriz, Láncara, Lugo, Meira, Mondoñedo, Monforte, Monterroso, Navia de Suarna, O Corgo, O Saviñao, O Valadouro, O Vicedo, Outeiro de Rei, Pantón, Quiroga, Rábade, Ribas de Sil, Samos, Sarria, Taboada, Vilalba, Viveiro, Xermade.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
