A Mariña, 15 de outubro de 2024. Barreiros e Alfoz serán as seguintes paradas das rutas e visitas guiadas de outono da Mancomunidade: A Mariña. Plans con Corazón.
O vindeiro sábado, 19 de outubro, Carmen Delia (La Guiateca) guiará a ruta Auga e milagres no Ermo, en Barreiros. Os asistentes visitarán os arredores de Santo Estevo do Ermo e a súa cascada para coñecer a historia das súas augas e as crenzas milenarias entorno a elas.
E o domingo, día 20, Ana Pena (Guía Tu día) achegará aos participantes ao tesouro escondido de Alfoz, onde terá lugar unha visita teatralizada por Castrodouro, que rematará cun obradoiro de cestería.
Aínda quedan prazas dispoñibles para as actividades da vindeira fin de semana. O prezo será de 5 euros para individual; 8 euros para parella; 12 euros para familias ou grupos de ata 5 membros.
A información sobre a rutas e as reservas de prazas realizarase a través da web de Turismo de A Mariña Lucense: https://amarinalucense.gal/es/a-marina-planes-con-corazon.
Rutas da pasada fin de semana
A xornada do sábado, guiada por Carmen Delia (La Guiateca) empezou en Ría de Abres, onde os asistentes recibiron información sobre a protección medioambiental que ten este rincón fluvial de Trabada, reserva da Biosfera da UNESCO, declarada en 2007, pero tamén zona húmida, de especial protección de aves (ZEPA).Mediante un paseo por este espazo ata a caseta de observación de aves, puideron ver algúns exemplares de ánade real. Ademais coñeceron a historia de Trabada e o patrimonio industrial do antigo ferrocarril de Villaodrid e visitaron na capitalidade do municipio o museo etnográfico aberto en 2021 adicado a Xosé Rocha, a persoa que recopilou elementos como ferramentas, obxectos de uso cotiá, e todo o referente á vida nas vilas galegas ata tempos recentes. E tiveron a oportunidade de degustar o prato típico de Trabada, que é a enfariñada.
Nesta ruta por Trabada participaron 18 persoas procedentes de Burela, Foz, Barreiros, Ribadeo, Madrid, A Coruña, Tapia de Casariego, Oviedo e San Cibrao.
E o domingo tivo lugar o percorrido costeiro por San Tirso de Portocelo, en Xove, un enclave arqueolóxico único. Foi guiado por Boris Vilar de Rutas Galicia Norte e contando coa colaboración como embaixadora local de Lucía Sánchez Meitín, ao cargo do departamento de investigación social do Concello de Xove, que lles ensinou in situ as distintas intervencións arqueolóxicas levadas a cabo no castro da Punta Mexiluíde e nas ruinas da igrexa parroquial e antigo mosteiro de San Tirso de Portocelo, un lugar no que hai previstas futuras sondaxes e que se postula como un enclave moi especial debido, entre outros motivos, a ampla continuidade habitacional deste espazo. Despois achegáronse ata a Punta Roncadoira, para ver na ladeira e na cima do Monte Castelo distintas formacións graníticas con suxerentes formas e con identidade propia para a poboación local; que configuran unha paisaxe costeira auténtica e donde disfrutaron dunhas vistas fabulosas da franxa do litoral comprendida entre a Illa de Sarón e Estaca de Bares.
Á volta, na praia de Portocelo e para rematar a xornada, a panadería Maral de Xove ofreceu unha degustación de distintos productos como empanadas de polbo, mexillóns, atún e bacallao, pan de trigo do país e outra versión de trigo sarraceno e para finalizar un toque doce cun biscoito de noces e o clásico cun toque cítrico.
Vintetrés persoas acudiron a esta ruta chegadas desde Burela, Lugo, Xermade, Mera, Viveiro, Ribadeo, Lourenzá, Foz, A Coruña, Madrid e San Cibrao.
A Mariña. Plans con corazón. 16 rutas e visitas guiadas por 16 concellos, é un proxecto promovido pola Mancomunidade, coa colaboración da Xunta de Galicia e da Deputación de Lugo, que busca dinamizar a actividade turística na temporada de outono.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
