A recuperación destes edificios na rúa Álvaro Cunqueiro, “moi necesitada de actuacións de rehabilitación”, permitirá habilitar catro vivendas de promoción pública e un local para artistas
Mondoñedo, 30 de outubro de 2024. O Concello de Mondoñedo avanza no programa Rexurbe outorgando dúas licencias máis ao Instituto Galego de Vivenda e Solo (IGVS) para a rehabilitación de dous inmobles na rúa Álvaro Cunqueiro, que une o barrio dos Muíños coa praza da Catedral e que é unha zona “moi necesitada de intervención en rehabilitación”. O investimento para o proxecto de rehabilitación dos edificios para habilitar catro vivendas e un local para artistas supera os 725.000 €.
As dúas edificacións que serán obxecto de mellora están situadas nos números 12 e 34 da rúa Álvaro Cunqueiro, que se inclúe dentro do Conxunto Histórico de Mondoñedo e no trazado do Camiño Norte, declarado Ben de Interese Cultural.
Os inmobles foran adquiridos pola Xunta de Galicia no marco do programa Rexurbe, mediante o que merca inmobles en conxuntos históricos para a súa posterior rehabilitación como vivendas de réxime de alugueiro social.
A proxecto contempla un investimento de preto de 400.000 € (396.611,50€) na edificación da rúa Álvaro Cunqueiro número 12 para dar paso, unha vez reformado, a vivendas na planta primeira e segunda e residencial de categoría 2ª cun espazo común na planta baixa.
A intervención na edificación do número 34 alcanza os 330.000€ para habilitar dúas vivendas de dous dormitorios con accesos diferenciados: unha en catro niveis e con acceso dende a rúa Álvaro Cunqueiro e outra en dúas plantas e con acceso dende Camiño Pardiñas.
O goberno local amosa unha vez máis o seu “compromiso coa rehabilitación e a posta en valor do noso casco histórico”, unha das liñas de traballo que recolle a segunda fase plan ‘Mondoñedo, Municipio para Investir’. Tamén destacan que “a través da Área Rexurbe, o Concello atrae investimento da Xunta de Galicia para poñer vivendas a disposición das familias e favorecer o asentamento de poboación”.
Área Rexurbe
O Concello de Mondoñedo foi o primeiro de Galicia, en febreiro do 2020, en ter declarada unha Área Rexurbe que comprende o conxunto histórico do municipio e unha zona contigua que, na súa totalidade, supón unha superficie de 0,45 km2 na que se localizan 704 edificios e 915 vivendas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
