Alfoz. 14 de otubro, 2024. A comuniadade educativa do CEIP Plurilingüe Castro de Ouro de Alfoz deu lectura ao seguinte manifesto á entrada do centro.
Hoxe, as familias, profesorado E comunidade educativa do CEIP Plurilingüe Castro de Ouro de Alfoz reunímonos de novo para reclamar solucións inmediatas á situación de abandono que está a vivir o noso colexio. Dende o inicio do curso, vimos denunciando a falta de recursos que afecta directamente á calidade educativa dos nosos fillos e fillas, sen obter respostas claras por parte da Xunta de Galicia. E hoxe, chegamos ao límite.
As familias estamos fartas de esperar, e tomamos unha decisión firme: Se a Xunta non ofrece unha solución inmediata ás nosas demandas, a partir do martes deixaremos de enviar aos nosos nenos e nenas ao colexio. Iniciaremos unha folga indefinida ata que se atenda de forma urxente a situación do noso centro.
Non queremos máis escusas nin mentiras! Desde a inspección educativa de Lugo dixéronnos que enviaron un informe favorable a Santiago, recoñecendo a necesidade dun especialista en Pedagoxía Terapéutica (PT) no noso colexio. Non obstante, seguimos sen resposta e sen solucións. Esta falta de atención por parte da Xefatura territorial de Lugo é inaceptable pois nin sequera se dignan a atender as nosas chamadas.
A semana pasada, escoitamos ademais as declaracións do conselleiro Román Rodríguez no Parlamento de Galicia, afirmando que a situación está controlada, cando sabemos que isto é faltar á verdade. O conselleiro afirmou que este ano a especialista en PT foi substituída por unha en Audición e Linguaxe (AL), e que o ano pasado a PT só atendía a un alumno. Isto non é certo! E eles xa o saben porque estaba nos informes enviados polo centro! Xa tiñamos unha especialista en AL o ano pasado, e a PT atendía a máis dun alumno. Estas manipulacións da realidade son un insulto á nosa comunidade educativa e non o imos tolerar.
As familias de Alfoz esiximos solucións reais e inmediatas. Queremos que a Xunta cumpra os acordos asinados e non aceitamos máis atrasos nin interpretacións progresivas que só demoren o que nos pertence. O futuro educativo dos nosos nenos e nenas non pode esperar.
Se non recibimos unha resposta clara e inmediata, tomaremos medidas drásticas. Como dixemos, a partir de mañá martes, ningún neno ou nena do CEIP Castro de Ouro asistirá ao colexio ata que se resolvan os problemas que levan desde o inicio de curso sen ser atendidos. Non tomamos esta decisión á lixeira, pero non nos deixan outra opción. A educación dos nosos fillos é o máis importante, e non imos permitir que siga sendo ignorada.
Non imos ceder ata que se resolva esta situación. Queremos respostas, non máis mentiras.
ALFOZ NON SE RENDE E DI NON AOS RECORTES NO CEIP CASTRO DE OURO DE ALFOZ. POR UN ENSINO DE CALIDADE
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
