Ribadeo, 23 de outubro, 2024. O BNG explica que no pleno deste martes 22 de outubro, “curiosamente de novo extraordinario, Daniel Vega volveu demostrar que non está capacitado para gobernar o concello de Ribadeo. Comezou o pleno comentando unha cousa e, tras demostrarlle o noso grupo municipal que non era verdade o que dicía, cambiou de opinión e afirmou o contrario, quedando tan pancho”.
“Tamén chama a atención a súa nula capacidade para a xestión da contratación de préstamos bancarios. O grupo municipal do PP acaba de aprobar os pregos para a contratación dun préstamo de 950.000€ con carencia de dous anos. Esta carencia de dous anos vai provocar que o concello de Ribadeo teña que pagar máis xuros dos habituais en comparación con préstamos solicitados anteriormente. Por moito que o alcalde se empeñe, se solicitamos un crédito con carencia de dous anos, sempre pagaremos máis xuros que se o solicitásemos con carencia dun ano. Todo o mundo sabe que, canto máis tardemos en devolver un crédito, máis xuros imos pagar. Ben: todo o mundo menos o alcalde de Ribadeo”.
“Convén aclarar, ademais, que, dada a situación económica do concello (froito do continuo descontrol no gasto), agora só podemos negociar préstamos con un tipo de xuros máis elevado que nos préstamos anteriores. Vai pesando cada vez máis a neglixente xestión de Daniel Vega”.
“Outra cuestión que nos sorprendeu no pleno deste martes 22 de outubro foi a teimuda actitude do alcalde de Ribadeo: empéñase en acaparar as intervencións no pleno e gárrase ao micro como se non houbese un mañá dicindo cousas sen xeito. Tan desbocadas son as súas intervencións que, pasada media hora, ou menos incluso!, ten que dicir o contrario. A nada que o grupo municipal do BNG lle rebata un pouco o que acaba de soster, ponse nervioso e desmente as súas propias palabras: “Eu non dixen iso!”. E pasa a afirmar mesmo o contrario do xa comentado, se lle fai falta, para seguir acaparando a intervención”.
“Isto poderiámolo comprobar todas as veciñas e veciños de Ribadeo se se retransmitisen os plenos tal e como solicitou o grupo municipal do BNG, e foi aprobado, hai máis dun ano. Outro exemplo máis do pouco valor da palabra do actual alcalde de Ribadeo”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
