Desde o BNG de Ribadeo “animamos á veciñanza a solicitar información sobre este e outros asuntos no Concello”
Ribadeo, 16 de outubro, 2024. O BNG de Ribadeo denuncia que esta semana o goberno municipal pasou outra liña vermella e volveu denegar o acceso á información sobre a conta de gasto do ano 2024. Ademais, por primeira vez, denegou unha copia sobre as certificacións de obra do Hospital-Asilo e só nos permiten a súa consulta de xeito presencial na sede municipal e con control. Nas anteriores ocasións, sempre se remitiu unha copia.
En palabras do voceiro do BNG, Pablo Vizoso: “É a segunda vez, en pouco máis de quince días, que o goberno municipal nos denega o acceso á información sobre a conta de gasto do ano 2024. Isto non fai máis que aumentar o noso temor a atoparnos cun gasto descontrolado como vimos denunciando nos último tempos. Non ten sentido que nos deneguen esta información a non ser que teñan algo que ocultar. Teñen algo que ocultar desde o goberno? Esa é a pregunta que lle lanzamos ao goberno do PP e a propia sociedade ribadense, á que animamos desde aquí a que acuda ao consistorio a pedir tamén información sobre esta conta de gasto e outros asuntos. A deriva antidemocrática non queda aquí, esta semana, por primeira vez, o goberno denegounos unha copia das certificacións de obra do Hospital-Asilo. O novo cambio de criterio do alcalde só nos permite acceder as certificacións de xeito presencial na sede municipal e con control. Será que, como denunciamos en reiteradas ocasións, as obras van a un ritmo moi lento e non se vai cumprir o prazo de execución de 18 meses?. Nos próximos días poderemos dirixirnos á sociedade ribadense para aclarar este tema”.
Vizoso engadiu: “En canto á ocultación de información de xeito reiterado, nestes momentos estamos redactando un recurso de reposición para presentar ante o Concello e estudando a posibilidade de acudir nos próximos días a Valedora do Pobo e incluso a xurisdición contencioso-administrativa para garantir o libre acceso á información. Mal camiño tomaron desde o goberno se pretenden ocultarnos información de xeito sistemático; algo moi grave deben tratar de tapar”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
