Así o anunciou hoxe o Voceiro Socialista, Pablo Díaz, quen subliña que “é unha circunstancia totalmente inaceptable que deixa desatendidas a numerosas familias e persoas maiores que dependen da atención primaria para garantir a súa saúde, hai días que non hai ningún médico”
Abadín, 2 de outubro de 2024. O Grupo Municipal Socialista de Abadín denuncia a crítica situación que está a sufrir o Centro de Saúde do municipio, unha situación que se está a converter en insostible para os veciños e veciñas. “Esta problemática pon en evidencia o abandono por parte da Xunta de Galicia, que non están a garantir unha atención digna e adecuada”, alerta o seu Voceiro, Pablo Díaz.
Nos últimos meses, explican os socialistas, o Centro de Saúde de Abadín enfróntase a días sen ningún médico dispoñible, “unha circunstancia totalmente inaceptable que deixa desatendidas a numerosas familias e persoas maiores que dependen da atención primaria para garantir a súa saúde. Ademais, resulta moi frecuente que as citas médicas que os veciños e veciñas conseguen con moita dificultade sexan canceladas o día antes, sen ningún tipo de aviso previo e sen ofrecer alternativas razoables”.
Así mesmo, indican que moitos veciños teñen que esperar dúas semanas ou máis para conseguir unha cita médica, e logo, á última hora, atópanse coas súas citas anuladas. Díaz detalla que “esta situación non só pon en risco a saúde da poboación, senón que ademais causa importantes prexuízos a nivel laboral e persoal, xa que moitos veciños teñen que reorganizar a súa vida para poder acudir ao médico, e finalmente ven frustrado ese esforzo por cancelacións arbitrarias”.
Ademais, o grupo socialista tamén levou mocións ao pleno do Concello para esixir solucións concretas a esta problemática, sen que, ata o momento, se obteñan resultados efectivos. Malia o respaldo da cidadanía e a mobilización da veciñanza, a situación non fixo máis que empeorar.
Os socialistas de Abadín recordan que xa levaron a cabo unha iniciativa de recollida de firmas para reivindicar melloras no Centro de Saúde e instar á Xunta a que reforzase o persoal e garantise unha atención médica continuada e de calidade. Malia o respaldo da cidadanía e a mobilización da veciñanza, a situación non fixo máis que empeorar.
“É inaceptable que nun municipio como Abadín, a atención sanitaria sexa tan deficiente. A sanidade é un dereito fundamental, e a Xunta de Galicia está a desatender aos veciños e veciñas, obrigándoos a desprazarse a outros municipios ou, peor aínda, a quedar sen a atención que precisan”, denuncian desde o grupo socialista.
Por todo isto, os socialistas de Abadín esixen á Xunta de Galicia que tome medidas urxentes para solucionar esta situación e que garanta que o Centro de Saúde conte cun equipo médico completo e dispoñible de forma continuada. Ademais, solicitan transparencia na xestión das citas e que non se produzan cancelacións sen previo aviso, ofrecendo alternativas realistas para evitar os prexuízos que a actual situación está a causar aos veciños.
“É hora de que a Xunta e o Sergas se tomen en serio as necesidades da xente de Abadín. A sanidade non pode ser un privilexio para uns poucos, senón un dereito ao que todas as persoas teñen que ter acceso en igualdade de condicións”, subliña Pablo Díaz.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
