Santiago de Compostela, 10 outubro 2024. A portavoz nacional, Ana Pontón, reclamou en Lugo ao Goberno do PP que poña en marcha un plan para mobilizar vivenda baleira co obxectivo de destinala ao réxime de aluguer para que a mocidade e as familias con rendas baixas poidan acceder a unha vivenda en alugueiro “a un prezo que poidan pagar”.
Pontón explicou dende Lugo, a onde se desprazou para asistir ás Festas do San Froilán que, aínda que é importante acelerar a construción de vivenda protexida, esta medida non vai ter “ningún efecto” no curto prazo para resolver un dos principais problemas do País e que tamén sofre a veciñanza lucense, que é o acceso á vivenda.
Por iso, insistiu en reclamarlle ao Executivo de Alfonso Rueda que poña en marcha un plan para mobilizar vivenda baleira que, ao estar xa construída, podería poñerse de maneira rápida xa en réxime de alugueiro para as rendas máis baixas e para a mocidade.
“Cremos que esta é unha medida que tería un gran impacto positivo”, afondou a líder nacionalista, quen explicou que deste xeito se posibilitaría, primeiro, poñer a disposición da cidadanía moitos dos inmobles que xa están construídos e, en segundo lugar, que permitiría dar resposta moito máis rápida ao problema da vivenda que agardando á construción de vivenda pública “que ten unha tramitación moito máis lenta” e que, polo tanto, “no curto prazo non vai facerse realidade”.
Pontón advertiu da “importante responsabilidade” que ten a Xunta para frear o “descontrol” dos prezos da vivenda, un Goberno do PP que “non ten exercido as súas competencias” neste ámbito de actuación, o que exemplificou na propia capital lucense.
“As últimas vivendas que se promoveron nesta cidade foron cun goberno do BNG e o Partido Popular o que fixo foi unha paralización total da promoción de vivenda pública en Lugo”, criticou, para recalcar a continuación a ausencia de políticas públicas neste ámbito, “pese a que a cidadanía vén sufrindo a falta de vivenda e un encarecemento dos prezos”. Por iso, considerou preciso que o Executivo de Rueda que non se quede nas promesas e tome medidas que realmente permitan frear a escalada de prezos.
San Froilán, cita inescusable na axenda
A líder nacionalista non quixo faltar ás Festas do San Froilán, nas que compartiu coa veciñanza tradicións tan asentadas como a visita ás casetas para degustar o clásico gastronómico do polbo á feira, tal e como fan miles de lucenses durante estes días.
“Son para min unhas festas moi especiais, porque como sarriá, se algunha cita tiña moi claro na miña vida era vir todos os anos a desfrutar do San Froilán e é unha tradición que sigo facendo”, explicou para engadir que espera nos próximos días volver coa súa filla para que ela tamén continúe a tradición de ter esta celebración como unha referencia inescusable.
Por iso, animou non só aos veciños e veciñas de Lugo, senón aos de todo o País a achegarse a Lugo, “a apostar tamén polo interior de Galiza”, e coñecer unhas festas nas que van ter a mellor acollida e nas que aínda quedan xornadas para seguir desfrutando.
De igual xeito, parabenizou a todas as persoas que fan posible un San Froilán do que tamén destacou a exposición que, aproveitando a celebración, permite a cidadanía e visitantes afondar un pouco máis na historia local, tal e como fixo ela mesma esta mañá.
Neste sentido, Pontón recoñeceu o traballo que neste sentido está facendo o BNG en Lugo, co tenente alcalde, Rubén Arroxo á cabeza, ao apostar no só por seguir mantendo a identidade das festas, senón por ser unha peza fundamental no traballo de dinamización da cidade de Lugo.
Intervención pública, única solución para Alcoa
A preguntas dos xornalistas sobre a situación de Alcoa, a portavoz nacional reclamou ao Goberno do Estado e da Xunta que deixen de actuar como “comparsas” da multinacional estadounidense e pediu unha vez máis a posta en marcha da intervención pública da planta da Mariña como única de vía para salvar a fábrica de aluminio e os miles de postos de traballo que dependen dela.
“Hai moito tempo que estamos preocupados e preocupadas pola situación de Alcoa, porque estamos vendo como esta multinacional ten un plan moi claro para desmantelar a súa produción en San Cibrao”, asegurou a líder do Bloque, lamentando que “no lugar de estar defendendo os intereses dos veciños e das veciñas, dos traballadores e das traballadoras” o Goberno do Estado e mais a Xunta estean “facendo de comparsa” de Alcoa. “A única medida que a estas alturas garante a viabilidade da produción da única planta de aluminio primaria que hai en todo o Estado é unha intervención pública”, concluíu.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
