O presidente de Portos de Galicia mantivo unha reunión de traballo coa alcaldesa na que comunicou os avances na planificación do solo do peirao para ordenar a súa actividade e que exclúe a ponte da Misericordia e rampla anexa
Santiago, 23 de outubro de 2024. O Diario Oficial de Galicia recolle hoxe o inicio do trámite de información pública do documento de Delimitación de Espazos e Usos Portuarios (DEUP) do porto de Viveiro, na Mariña lucense. Así llo comunicou o presidente de Portos de Galicia, José Antonio Álvarez, á alcaldesa de Viveiro nunha reunión de traballo para avaliar os proxectos do ente público para os portos viveirenses.
Co anuncio do DOG ábrese un prazo de dous meses para a presentación de alegacións por parte dos afectados por esta proposta que permite planificar a distribución do solo portuario en función da súa actividade, de cara a un crecemento ordenado do porto. Ademais, Portos de Galicia solicitou informes sectoriais ás distintas administracións competentes, entre elas a Capitanía Marítima, Costas do Estado Concello e a Secretaría Xeral para o Deporte.
Tal como informou o presidente de Portos de Galicia á alcaldesa, a DEUP recolle a exclusión da zona portuaria da Ponte da Misericordia e a rampla anexa, tal como se deriva da propia transferencia de competencias sobre os portos do Estado á Xunta de Galicia dos anos 80. Deste xeito queda documentado tamén a través desta ferramenta que dita zona non pertence ao dominio público portuario.
Durante o encontro de traballo, o presidente de Portos trasladou á alcaldesa tamén as próximas actuacións previstas para os peiraos de Celeiro e Viveiro. Así, informou de que o ente público ten prevista a próxima substitución das luminarias de ambos portos por tecnoloxía LED con control telemático a través dun investimento de 120.000 euros. Así mesmo renovaranse os firmes e pavimentos de varios viais e a explanada portuaria cunha actuación orzamentada en 95.000 euros.
Finalmente, en relación aos terreos do Casino, o mandatario autonómico informou de que se están a explorar alternativas que permitan manter neles o uso portuario, de xeito que se manteña e mellore as actividades propias dun porto desta importancia.
Á espera de informe estatal para ampliar o dique
Xunto co anterior, durante a xuntanza o presidente de Portos de Galicia deu conta de que os Orzamentos da Xunta de cara ao 2025 recollen un investimento plurianual de 1,2 millóns de euros para o reforzo do dique de abrigo do porto de Celeiro. Porén, esta actuación atópase á espera, desde hai máis de dous anos, dos informes preceptivos de Costas do Estado para formalizar a adscrición, que permitirá o cambio de titularidade do terreo no que se executará a obra do Estado á comunidade autónoma; unha transferencia imprescindible para poder realizar os traballos necesarios para mellorar a seguridade das mulleres e homes do mar.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
