Os propietarios afectados disporán dun prazo para a execución voluntaria dos traballos
Viveiro, 5 de outubro de 2024. O Concello de Viveiro activa o convenio para a xestión da biomasa e a retirada de especies arbóreas asinado coa Xunta de Galicia, a Federación Galega de Municipios e Provincia (Fegamp) e Seaga.
“Xa no ano 2019 promovimos desde a alcaldía a subscrición dun convenio de colaboración coa Xunta de Galicia, Fegamp e Seaga co obxectivo de cumprir coas obrigas municipais de prevención e defensa contra os incendios no municipio”, lembra a alcaldesa, María Loureiro.
En virtude do mesmo, no ano 2020 aprobouse o Plan municipal de Prevención e defensa contra os Incendios forestais do Concello de Viveiro, definindo as franxas secundarias de xestión da biomasa e retirada de especies prohibidas.
Isto permitiu ao Concello iniciar os requirimentos aos propietarios das fincas cando non cumpren coa obriga anual de limpeza que impón a Lei 3/2007, do 9 de abril, de prevención e defensa contra os incendios forestais de Galicia.
Este Plan municipal, publicado no BOP de Lugo o 23 de outubro de 2020, identifica un total de 10.641 parcelas situadas nas franxas secundarias de xestión de biomasa. Coa finalidade de conseguir unha xestión eficaz das franxas e tendo en consideración o elevado número de parcelas pendentes de limpeza, habilitouse para os cidadáns un visor cartográfico na páxina web do Concello de Viveiro no que pode consultarse a afección das parcelas mediante búsqueda por referencia catastral.
En tanto o número de parcelas afectadas -cuxa limpeza non foi executada polos propietarios- resulta moi elevado, desde o Departamento de Urbanismo activouse o Convenio para as tarefas de inspección, notificación aos propietarios e, no caso de incumprimento, a execución subsidiaria dos traballos de xestión de biomasa e retirada de especies arbóreas prohibidas pola Lei 3/2007.
A alcaldesa de Viveiro aclara que “os particulares propietarios destas parcelas recibirán proximamente unha comunicación de Alcaldía requirindo a realización das correspondentes tarefas de limpeza, outorgándolles o prazo legal que establece a lei de 15 días naturais para a execución voluntaria dos traballos”.
Só no caso de incumprimento se decretará a execución subsidiaria dos traballos, sendo neste caso executada e xestionada por Seaga, con custe a cargo dos propietarios.
Nos próximos días os cidadáns poderán consultar, asemade, as parcelas incorporadas nesta campaña de prevención de incendios desde o Taboleiro de Anuncios municipal da Sede electrónica do Concello de Viveiro.
A estreita colaboración entre a Alcaldía e a Concelleira de Medio Ambiente suporá unha axilización dos trámites pendentes de realización, xa que o seguimento dos procedementos realizarase dende o Departamento de urbanismo.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
