Ribadeo, 24 de outubro de 2024. Acisa recibiu a visita da directiva do Club de Remo Ribadeo, que lle fixo entrega dun agasallo como agradecemento pola súa colaboración económica no último ano.
A Asociación de Comerciantes, Industriais, Servizos e Autónomos foi un dos patrocinadores cos que contou o Club de Remo Ribadeo.
Acisa renovará o seu apoio a este club ribadense nas vindeiras semanas. A presidenta, Carmen Cruzado, deséxalles “moitos éxitos e moita sorte ás rapazas e rapaces do Club de Remo de Ribadeo na nova tempada” e agradécelles que “o nome de Acisa e o de Ribadeo suban aos podios dos campionatos nos que participan. Sempre é un orgullo saber dos seus bos resultados, que son un premio a todo o esforzo que realizan”.
En Acisa reuníronse o presidente e a tesoureira do Club de Remo Ribadeo, Jesús Carreira e Beatriz Irigoyen, coa presidenta e o xerente da asociación empresarial, Carmen Cruzado e Jesús Pérez, que agradeceu o detalle recibido: “os seus éxitos son os nosos. Estamos moi contentos por todas as medallas logradas e agardamos que consigan moitas máis”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
