Destacou a importancia do legado pesqueiro e cultural de Celeiro e das súas xentes
Celeiro, 21 de novembro, 2024. Este mércores, a Confraría de Pescadores ‘Santiago Apóstol’ de Celeiro celebrou o acto central do seu centenario, que congregou a autoridades, profesionais do sector pesqueiro e veciñanza nunha emotiva homenaxe ao seu século de historia e tradición mariñeira.
O evento, que comezou ás 11:00 horas no interior do edificio social da Confraría, foi inaugurado por Máximo Díaz, secretario da Confraría, e Alfonso Villares, conselleiro do Mar; acompañados polo patrón maior Domingo Rey; a xerente do GALP A Mariña-Ortegal, Rosana González; e la delegada territorial de Mar, Mariña Gueimunde. Durante a presentación, proxectáronse vídeos con testemuños de persoas vinculadas ao pasado e ao presente da vida mariñeira de Celeiro. De seguido, nas inmediacións da Confraría presentouse o mareógrafo construído con pezas de Sargadelos, instalado como símbolo do vínculo entre a tradición pesqueira e o patrimonio cultural da vila. Este reloxo de mareas representa un testemuño do pasado mariñeiro e unha aposta pola preservación do legado marítimo de Celeiro.
Outro dos momentos destacados foi a presentación oficial da exposición permanente ‘Celeiro: 100 anos de tradición pesqueira’ amenizada polo grupo musical Sons de Celeiro. Un percorrido único polos fitos máis importantes da historia mariñeira do pobo que inclúe elementos como maquetas de barcos emblemáticos, fotografías históricas, e pezas exclusivas como a acta fundacional e a medalla de ouro centenaria. Este espazo expositivo, aberto a partir de hoxe ao público, servirá de referencia para comprender e preservar a rica tradición mariñeira de Celeiro, facendo partícipes ás futuras xeracións do legado que levou á Confraría a cumprir un século de vida.
A continuación, as autoridades e asistentes tiveron a oportunidade de gozar dun showcooking dedicado a poñer en valor a pescada de Celeiro, produto estrela que reflicte a excelencia e o saber facer da frota local. Durante a demostración, puideron aprender unha maneira diferente de preparar este peixe, destacando a súa versatilidade e a súa importancia na gastronomía galega.
Con esta celebración, a Confraría reafirma o seu compromiso co futuro do sector pesqueiro e coa transmisión dos valores e tradicións que definen a comunidade mariñeira de Celeiro. A exposición poderá visitarse totalmente de balde no horario habitual da Confraría, ofrecendo tamén visitas guiadas para escolares e grupos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
