Ribadeo, 23 de novembro de 2024. Acisa Ribadeo entrega de forma gratuíta 4.800 novas bolsas para o comercio asociado. Están destinadas para a tempada de Nadal.
O xerente de Acisa, Jesús Pérez, dixo que “como adoitamos facer polo Nadal este ano tamén entregamos de forma totalmente gratuíta materiais aos nosos asociados e asociadas. Primeiro fixémolo coa hostalería e agora tócalle ao comercio. Nesta ocasión fixemos un esforzo extra, dedicando preto de 13.000 euros para a adquisición destes materias, algo que puidemos facer co cofinanciamento da Xunta de Galicia. Grazas a esta inversión contamos con 4.800 unidades destas novas bolsas comerciais”.
Carmen Cruzado, presidenta de Acisa Ribadeo, explicou que “deste xeito as nosas asociadas e asociados de comercio contarán con bolsas corporativas para o Nadal. Para o deseño utilizamos a imaxe de Acisa, na que se debuxa o noso SkyLine baixo o slogan de O teu comercio. Así entramos nos fogares de moita xente, entregándolles ademais un produto duradeiro, como gran novidade, xa que son bolsas de algodón 100% reciclado, iso quere dicir que se poderán reutilizar durante anos para moitas funcións, unha vez que a recibimos na tenda pola compra realizada no seu día. O tamaño das bolsas é o habitual, de tipo mediano que serve para a grande maioría de negocios”.
Pérez Prada comentou: “deste xeito respondemos ás necesidades dos nosos asociados e asociadas, que diariamente no comercio veñen utilizando as bolsas que dende Acisa lles proporcionamos de forma gratuíta, e que son unha das súas maiores demandas. Nesta ocasión, por mor de ser bolsas de algodón dun maior custe, dispoñemos de menos unidades para repartir, pero podemos adiantar que a partires de xaneiro chegará unha nova remesa para que os nosos negocios dispoñan delas durante todo o ano”.
Carmen Cruzado agradeceu “a colaboración de todas as administracións coas que contamos e traballamos desde Acisa, a través de subvencións como esta da Dirección Xeral de Comercio, de convenios ou de acordos e proxectos, que sempre buscan o apoio ao tecido empresarial ribadense e sobre todo a súa dinamización económica. Neste caso falamos da orde de axudas do proxecto Comercio Circular para a promoción da sostibilidade ambiental”.
E engadiu que “na directiva de Acisa estamos moi satisfeitos de poder seguir ofrecendo diversidade de materiais ás nosas empresas, xa que sempre son moi demandados e moi ben recibidos. Aqueles asociados e asociadas que desexen estes materiais, falamos neste caso das bolsas reutilizables para o comercio, poden solicitalas dende hoxe e ata o 1 de decembro. E poderán comezar a recollelos nas oficinas de Acisa, na rúa San Roque, 57-baixo, de 9:30 a 14:30 horas ou de 15:30 a 17:30 horas”.
Na presentación desta nova tirada de bolsas para os comercios de Acisa participaron Carmen Cruzado, Trinidad Otero e Jesús Pérez.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
