Ribadeo, 25 de novembro de 2024. Concello de Ribadeo e Acisa animan a iluminar escaparates e balcóns este Nadal.
Coa campaña No Nadal, ti iluminas Ribadeo queren fomentar a ambientación e a decoración navideña nos fogares e nos establecementos comerciais e hostaleiros da vila.
A concelleira de Turismo e Comercio, Marta Saiz, sinalou que “estamos na conta atrás para a chegada do Nadal. As rúas de Ribadeo xa contan co alumeado destas datas, que acenderemos a última fin de semana de novembro. E o que queremos é que a cidadanía e os negocios locais tamén se unan a esta campaña No Nadal, ti iluminas Ribadeo para encher de luz e de ledicia cada recuncho de Ribadeo”.
A edil ribadense subliñou que “o que pretendemos é que Ribadeo sexa unha vez máis un punto de atracción turística durante o Nadal para que a xente veña ver a nosa iluminación, que veña gozar de todas as actividades que temos preparadas para estas datas, que veña mercar… en definitiva que veñan disfrutar da nosa vila”.
A presidenta da Acisa, Carmen Cruzado, manifestou que “con esta iniciativa queremos recuperar unha tradición moi arraigada na historia de Ribadeo, na que as rúas e os comercios destacaban polas súas elegantes e creativas decoracións navideñas. Desde Acisa animamos ao tecido empresarial de Ribadeo, a comercios e locais hostaleiros, a iluminar o Nadal para realzar ese espírito que sempre caracterizou á nosa vila”.
Cruzado Iglesias engadiu: “estes días xa empezamos a ver escaparates vestidos de Nadal, pero queremos que sexan moitos máis os que se unan ao espírito destas festas. Esta campaña non ter carácter competitivo, é unha acción voluntaria, á que agardamos que se sume a veciñanza en xeral e os establecementos comerciais e hostaleiros en particular, por que No Nadal, todos iluminamos Ribadeo”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
