Ribadeo, 25 de novembro de 2024. Educación inviste na mellora dos centros educativos de Ribadeo. O alcalde, Dani Vega, mantivo unha xuntanza co conselleiro de Educación, Ciencia, Universidades e Formación Profesional, Román Rodríguez.
O rexedor contou que “na reunión de traballo que tivemos co conselleiro de Educación, Ciencia, Universidades e Formación Profesional trasladámoslle varias propostas que temos como Concello, temos preocupacións e unha delas é a mellora dos edificios educativos e por iso presentamos xa o proxecto do peche perimetral do Gregorio Sanz, a casa do conserxe e o plan de humanización da toda a zona verde deste colexio”.
Vega subliñou: “trátase dun proxecto demandado, unha proposta que recollíamos fai pouco tempo, coa Anpa e co centro educativo, e agora xa presentamos ese proxecto, e aprobarao a Xunta en poucos días. Para investir, para seguir mellorando o centro educativo, para pensar no colexio Gregorio Sanz e mellorar entre todos un colexio que evidentemente, tivo melloras significativas fai tempo, con todo o edificio central, e nosoutros trasladamos outra proposta, que é moi importante, que é o peche perimetral, que está nunha situación terriblemente mal, a casa do conserxe, que non cumpre todas as condicións dun plan educativo e tamén a humanización ordenada de toda a zona verde, despois da poda realizada”.
Formación Profesional
O alcalde contou que “tamén pedimos que Ribadeo se converta na capital da Formación Profesional. Nosoutros vamos loitalo todos os días, porque consideramos que Ribadeo está estratexicamente ubicado para absorber alumnado tanto de Galicia como de Asturias. Por iso vamos presentar conxuntamente co CIFP Porta da Auga unha proposta de novos ciclos formativos e tamén para converter a Ribadeo nesa capital necesitamos un congreso que fale do futuro, dos retos que ten a Formación Profesional e por iso o consideramos tan importante para que tamén moitas persoas teñan esa saída laboral, porque queren establecer o seu proxecto de vida aquí en Ribadeo necesitan evidentemente unha saída laboral e os Concellos tamén deben falar disto porque é moi importante para as persoas”.
Dani Vega indicou que “conseguimos tamén que a Xunta volva a colaborar por segundo ano consecutivo nas rutas xeológicas e tamén para empezar a trasladar propostas de unidades didácticas para os centros educativos. E empezamos coa do Viejo Pancho”.
O rexedor fixo unha valoración positiva do encontro mantido con Román Rodríguez: “foi unha reunión moi frutífera. Estamos a falar dunha partida presupuestaria orzamentada xa para o colexio Gregorio Sanz, nese plan que presentamos. Outra partida moi importante é para o Porta da Auga, máis de 270.000 euros para renovar a cuberta e outras melloras que vai ter o edificio. Isto xa está cerrado no presuposto de 2025 e seguir con propostas porque o que queremos é que Ribadeo siga avanzando”.
E engadiu que “todo isto ten unha inversión considerable, imos chegar practicamente a un millóns de euros, cantidade que garante todas as obras de mellora nos centros educativos de Ribadeo”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
