Ribadeo, 20 de novembro de 2024. Ribadeo organiza diversas actividades arredor do 25N. Arrincan esta vindeira fin de semana e prolongaranse ata o 5 de decembro. Haberá unha andaina, teatro, charlas para as familias, contacontos e talleres nos centros de ensino. Por aquí pasarán importantes figuras como José Antonio Vázquez Taín, Mª José Garrido Antón ou Olalla Guimarey.
A concelleira de Igualdade, Begoña Sanjurjo, explicou que “como non podía ser doutro xeito, polo 25N Ribadeo pon o foco na prevención, na identificación, na actuación e na axuda contra a violencia de xénero. Se ben o traballo neste senso é constante durante os 365 días do ano, activarase unha programación especial con motivo desta data”.
A edil ribadense sinalou que “co lema Move ficha contra a violencia de xénero desde o Concello queremos animar a toda a sociedade a dar un paso cara adiante, xa que só xuntas e xuntos podemos erradicar esta lacra. E este paso cara adiante pasa por coñecer e identificar todos os tipos de violencia de xénero, que son moitos, e actuar para evitalos e eliminalos. O Concello organiza unha ampla programación destinada tanto aos centros de ensino como ao público xeral. Estas actividades abordan a sensibilización fronte á violencia de xénero e o impacto do mundo dixital, fomentando unha reflexión colectiva”.
Sanjurjo indicou que “as actividades educativas dentro do programa O Concello cos Coles comezarán o 25 de novembro. Teremos contacontos, que transmitirán valores de igualdade e respecto para alumnado de Infantil dos colexios Sagrado Corazón e Gregorio Sanz. Haberá tamén obradoiros de pulseiras contra a violencia, o alumnado de toda primaria terá a oportunidade de participar nun taller especial centrado na elaboración de pulseiras simbólicas cunha mensaxe de apoio á loita contra a violencia”.
A concelleira de Igualdade seguiu a relatar que “o 28 de novembro dirixida a 2º ESO e 1º FP Básica, haberá unha sesión que contará con dúas propostas complementarias: Taller Conectad@s a cargo da Asociación AliadUltreia. Será un espazo para reflexionar sobre como as redes sociais inflúen no benestar emocional da mocidade. E Taller de ciberseguridade, que será impartido por María José Garrido Antón. A recoñecida psicóloga e experta en criminoloxía abordará como identificar sinais de violencia de xénero en liña. Este taller busca dotar á mocidade de habilidades para recoñecer e denunciar comportamentos tóxicos no ámbito dixital, promovendo a prevención”.
Begoña Sanjurjo contou que “xa en decembro a psicóloga Olalla Guimarey traballará con alumnado de 1º e 2º ESO para explorar o equilibrio entre o mundo dixital e o real e fomentar unha conciencia crítica e a aprendizaxe de ferramentas preventivas. Ás 18:30 h do día 4, no Cine Teatro, esta psicóloga dirixirase ás familias, analizando o Impacto do mundo dixital no benestar. Queremos convidar ás familias a unha charla especialmente dirixida a nais e pais para profundar no impacto das redes sociais na saúde mental das adolescentes. Para facilitar a asistencia das familias, o Concello farase cargo do servizo de ludoteca durante a charla. As persoas interesadas en facer uso deste servizo só deben avisarnos previamente no CIM, ata o día 3 pola mañá, para poder organizalo adecuadamente”.
E engadiu: “o venres 5 de decembro o xuíz José Antonio Vázquez Taín impartirá, ás 19:00 horas no Cine Teatro, unha charla onde analizará como as novas tecnoloxías están sendo empregadas en casos de violencia de xénero. Este xuíz é recoñecido por ser un dos referentes no ámbito da xustiza penal en Galicia, destaca polo seu papel en casos moi mediáticos. A súa ampla experiencia no tratamento de delitos dixitais e a súa capacidade de comunicación converten esta charla nunha oportunidade única para entender os retos legais e sociais da era dixital”.
A programación arredor do 25N da comezo xa esta fin de semana: “teremos dúas actividades para o público en xeral. A andaina Move ficha contra a violencia de xénero, que se celebrará o 23 de novembro. Terá inicio ás 11:00 da mañá na Rúa de San Roque e pasará polo Parador e a Praia dos Bloques, para poñer punto final no Auditorio Municipal, onde se celebrará un acto con lectura dun manifesto. Durante o camiño haberá paradas con materiais e dinámicas que visibilicen a loita contra a violencia de xénero. A andaina promove a reflexión colectiva e o compromiso social. O domingo 24 ás 19:00 horas o Auditorio Municipal acollerá a obra A Cincenta que non quería comer perdices da recoñecida compañía Sarabela Teatro. Trátase dunha proposta que rompe cos estereotipos tradicionais, cuestionando roles de xénero e abrindo un espazo de reflexión sobre as expectativas sociais impostas ás mulleres”.
A concelleira de Igualdade convida “a toda a cidadanía a participar activamente nesta programación, deseñada para fomentar unha maior conciencia social, dotar de ferramentas prácticas a diferentes públicos e reforzar o compromiso colectivo na loita contra a violencia de xénero. Vémonos comezando xa na andaina”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
