Fabiola García puxo en valor o traballo realizado por esta entidade na posta en marcha e mantemento da primeira vivenda tutelada de Galicia para mulleres con enfermidade mental vítimas de violencia de xénero
Cervo, 9 de novembro de 2024. A conselleira de Política Social e Igualdade, Fabiola García, visitou esta mañá a unidade residencial posta en marcha pola Asociación Saúde Mental A Mariña, que foi inaugurada o pasado mes de outubro e que é a segunda posta en marcha por esta entidade social. No percorrido polas instalacións, a conselleira puxo en valor o traballo realizado pola asociación, que leva 25 anos prestando asistencia continuada ás persoas con trastornos mentais, co obxectivo de acadar a súa recuperación e integración social e laboral.
Fabiola García, que estivo acompañada da alcaldesa de Cervo, Dolores García, puido coñecer este centro de vangarda, que conta con 20 prazas concertadas coa Xunta e que se atopa situado no centro do municipio, dispoñendo de todos os servizos orientados a fomentar a autonomía dos usuarios. A conselleira puxo en valor o “traballo incansable” da Asociación Saúde Mental de A Mariña, centrada nas persoas con enfermidade mental, nos seus coidados e na súa integración e poñendo especial atención nas mulleres vítimas de violencia de xénero.
Neste sentido, a conselleira destacou a Consellería de Política Social e Igualdade leva anos “colaborando estreitamente” coa asociación, un traballo conxunto que se traduciu nun investimento superior aos 1,1 millóns de euros nos últimos seis anos. Unha das colaboracións máis destacadas foi a posta en marcha da primeira vivenda tutelada de Galicia para mulleres con enfermidade mental vítimas de violencia de xénero. Un proxecto pioneiro no que a Xunta leva investidos 980.000 euros, dos que un total de 200.000 euros foron consignados ese ano para o mantemento da vivenda (a través dun convenio anual de 150.000 euros) e para a adquisición dun vehículo.
A esta cifra súmanse os 134.000 euros destinados desde 2018 no eido da discapacidade, que o pasado ano permitiu que a asociación se dotase doutro vehículo para a unidade residencial, e os 140.000 euros investidos en diferentes programas orientados ao fomento da igualdade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
