A deputada Montserrat Valcárcel mantivo unha xuntanza con membros do Sindicato Labrego Galego, FRUGA e ADEGA co obxectivo de consensuar a proposta
Lugo, 29 de novembro de 2024. O Bloque Nacionalista Galego presentará unha moción no pleno do Parlamento galego da vindeira semana para solicitar a ampliación da moratoria das plantacións de eucalipto, actualmente vixente ata 2025, propoñendo que esta se estenda ata o 2030. Esta decisión foi anunciada pola deputada Montserrat Valcárcel tras reunirse con representantes do Sindicato Labrego Galego, a Federación Rural Galega (FRUGA) e a Asociación para a Defensa Ecolóxica de Galiza (ADEGA). O obxectivo do encontro foi dar a coñecer e consensuar a proposta que o BNG defenderá na Cámara galega.
A deputada nacionalista considera que esta ampliación é unha medida esencial para frear o impacto ambiental e social do monocultivo de eucalipto, que na actualidade ocupa máis de 413.000 hectáreas, superando amplamente o límite de 245.000 hectáreas establecido polo Plan Forestal Galego de 1992. Segundo Valcárcel, esta acción debe ser a “gran panca de cambio” cara a unha nova política forestal que promova un uso multifuncional do monte galego e fomente unha industria forestal sostible, diversificada e respectuosa coa biodiversidade e os recursos naturais.
Durante a xuntanza, Montserrat Valcárcel advertiu das graves consecuencias ambientais derivadas da expansión descontrolada do eucalipto, como a degradación do solo, o incremento do risco de incendios forestais e a perda de biodiversidade. “A presenza desta especie en Galiza representa máis do 54 % do total estatal e case o 28 % do conxunto europeo, superando incluso a extensión de países tradicionalmente produtores como Chile, Uruguai ou Nova Zelandia”, explicou.
A moción do BNG tamén incluirá a implantación de medidas complementarias, como a redución progresiva das plantacións ilegais en zonas de especial protección –incluíndo áreas agrarias, zonas fluviais, costas e patrimonios culturais– e a reconversión de terreos forestais para usos máis sostibles e produtivos.
Evitar un novo “efecto chamada”
Valcárcel subliñou a importancia de actuar con celeridade para evitar un novo “efecto chamada”, como o rexistrado en 2021, cando se multiplicaron as plantacións ilegais ante o anuncio da moratoria. Ademais, reivindicou “a necesidade de que a Xunta de Galiza lidere este cambio forestal, contando co apoio das asociacións de produtores, a industria e a sociedade en xeral”.
Para o BNG, a ampliación da moratoria e a aplicación de políticas forestais activas e sostibles son cruciais para preservar os ecosistemas galegos, frear a destrución dos montes e garantir un futuro máis equilibrado e respectuoso co medio natural.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
