Alcaldes e portavoces da comarca acompañaron aos senadores Balseiro e Barreiro na presentación desta iniciativa en rolda de prensa
A Mariña, 25 de novembro de 2024. O PP insta ao Goberno de Sánchez a avanzar na execución da autovía da Mariña (A-74). A iniciativa que defenderán dende a Cámara Alta foi presentada polos senadores José Manuel Balseiro e José Manuel Barreiro xunto a alcaldes e portavoces da comarca.
Os populares esixirán ao Executivo estatal dende o Senado, concretamente, o impulso dos trámites administrativos previos necesarios e as partidas orzamentarias suficientes para iniciar as obras na totalidade dos tramos, durante o ano 2025.
O senador mariñán, José Manuel Balseiro, explicou que “nos 6 anos de goberno de Pedro Sánchez non só non se avanzou na construción dun solo quilómetro desta autovía, nin nos seus trámites administrativos previos, senón que incluso non se executaron os investimentos comprometidos nos Presupostos Xerais del Estado”. É máis, “non se executaron os preto de 4M€ consignados polo Goberno de Rajoy para licitar os tramos de Barreiros, Foz e Burela; senón que o Goberno de Sánchez tampouco foi capaz de executar as súas propias partidas orzamentarias que supoñían un importante recorte con respecto ás cantidades consignadas polo Goberno do Partido Popular”, incide.
Os senadores consideran “preocupante” que “o Goberno de Sánchez non mostre vontade ningunha por ofrecer un cronograma para o desenvolvemento da vía”. De feito, en resposta oficial o Executivo recoñece que calquera actuación sobre o terreo e o inicio das obras está supeditada á tramitación de proxectos de trazado e construción, á entidade das alegacións que se presenten nas fases de información pública e tamén ás dispoñibilidades orzamentarias. Nese sentido, os populares advirten que “todas estas cuestións dependen unicamente da vontade política e as prioridades que o propio Goberno asigne a esta autovía”.
Balseiro lembrou que “o PSOE -concretamente o actual secretario xeral dos socialistas galegos, José Ramón Gómez Besteiro- prometeu na campaña ás eleccións xerais a contratación do primeiro tramo da A-74 para o 2024”.
Igualmente, o coordinador do PP da Mariña e alcalde de Xove, Demetrio Salgueiro, pregúntase “se o anuncio de Besteiro era unha mentira aos mariñáns ou se realmente hai previsión de resolver a situación e acabar coa inxustiza que está condenando a ter A Mariña en dúas velocidades” toda vez que “unha parte da comarca está incomunicada cunhas infraestruturas do século pasado”.
No mesmo sentido, a rexedora de Cervo, Dolores García, condenou “a deixadez do Goberno de España coa Mariña” e lembrou que “levamos tempo lendo noticias sobre a mellora das infraestruturas, pero aínda estamos esperando”. Polo tanto, “agardamos que escoiten esta iniciativa”.
VÍA ESTRATÉXICA E ALTERNATIVA Á N-642
A A-74 é estratéxica e prioritaria para a comarca -unirá as localidades de San Cibrao (Cervo) e Barreiros servindo de unión coa vía de alta capacidade Costa Norte e coa autovía A-8- e permitiría mellorar os índices de accesibilidade, capacidade e seguridade viaria; ademais de potenciar a economía da provincia de Lugo e de Galicia.
Esta autovía serviría como itinerario alternativo á actual N-642, unha estrada convencional que presenta moitas ineficiencias polo mal estado do pavimento, porque cruza moitos núcleos de poboación ralentizando o percorrido e que soporta un importante número de vehículos de particulares, traballadores, autónomos ou pequenas empresas aos que se suman os que teñen como orixe e/ou destino o porto de Burela, o Hospital da Mariña ou a principal empresa da provincia: a factoría de alúmina e aluminio.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
