Tivo lugar este luns na Casa do Mar como peche da programación do Concello de Cervo polo Samaín. As crianzas desfrutaron moito trazando ás súas personaxes favoritas.
- Cea do grupo Mariña Marabillosa
Mariña Marabillosa é un grupo de persoas dos 16 concellos da Mariña que, traballando xuntos dun xeito afeccionado, tentan crear unidade e concordia na comarca. Xuntos realizan un programa de radio afeccionado chamado Mariña Marabillosa, onde entrevistan a persoas da súa comarca, emitíndose cada primeiro sábado de mes nas emisoras de radio locais da Mariña e nas emisoras da cadea Radiofusión. Igualmente, organizan un concurso de fotos para dar a coñecer a comarca e promocionan os negocios da mesma. Programan tamén outras actividades, nas que a unión e a participación da Mariña é a norma. Este pasado venres, 13 de decembro, celebraron a súa cea anual de Nadal no restaurante O Forno, situado no Pazo de Tovar, en San Adriano (Lourenzá). Unha velada entrañable e divertida. - Acto de Mariña Patrimonio sobre a minaría antiga da Mariña
Mariña Patrimonio organiza para o vindeiro luns 16 de decembro unha conferencia na que o doutor en Xeoloxía, Francisco Canosa, presentará os resultados dun proxecto de investigación sobre os metais preciosos na minaría antiga da Mariña. A conferencia terá lugar ás 19.00 horas no Salón de Actos do CENIMA (Foz). O citado proxecto, promovido por Mariña Patrimonio, contou co apoio da área de Cultura da Deputación de Lugo. - O Deputado de Medio Ambiente, Carlos López, participou este xoves na clausura do centenario da Confraría de Pescadores de Burela que se celebrou na Nave de Redes do porto burelés
Durante a cita, Carlos López asistiu ao ronqueo do atún e á súa preparación, visitou as exposicións dos Patróns Maiores e das mulleres con traballos relacionados co mar e tamén os murais do exterior da confraría. No acto participou o Ministro de Agricultura, Pesca e Alimentación, Luis Planas; a Alcaldesa de Burela e Deputada de Economía, Recadación, Facenda e Especial de Contas, Carmela López; e o Presidente da Confraría de Pescadores de Burela, José Basilio Otero, entre outras autoridades. - O CD Burela FS non poderá participar na FWEC 2024
Como consecuencia do grave quebranto orzamentario que supuxo a retirada do patrocinador principal, o equipo feminino vese imposibilitado a participar no torneo oficioso Futsal Women's European Champions - Puglia Edition 2024 a celebrar en Italia e organizada polo USD Bitonto Calcio a 5. - O Concurso de Postais de Nadal de Cervo xa ten gañador@s
Daniel Basanta (5 anos), Daniela Ben (6 anos), Xela Fernández (11 anos) e Aroa Otero (6 anos) que foi a elixida para as felicitacións de Nadal do Concello. - Como cada ano, o grupo teatral "O Centiño" de San Martiño organizou unha Gala Solidaria en favor do concello de Foz. Desta volta foi o pasado 7 de decembro, na Sala Bahía, que se encheu de xente e de solidariedade para contribuír a unha boa causa
O Centiño representou a súa comedia "A morte morrida" e os veciños responderon, pois recadáronse máis de 600 euros en efectivo, ademais de varias caixas de alimentos. Todo un éxito. "Dá gusto ver como o teatro afeccionado serve para facer a vida máis divertida e, ao mesmo tempo, máis solidaria". - Beléns de plastilina en Cervo
Trala elaboración a pasada fin de semana, agora poderanse ver durante todas as festas na Casa da Cultura e na Casa do Concello.
2021 Crónica 3 A Mariña - Implementado por GaliciaDigital