Foz, 8 de novembro de 2024. O grupo Reyco continúa dando pasos como referente no sector do transporte e da loxística coa adquisición do grupo vasco Sacytrans composto por tres empresas. A firma galega, que dá traballo directo a máis de 300 persoas, pasa a ter un volume de negocio de 60 millóns de euros.
Sacytrans é unha das firmas históricas e máis lonxevas do sector en Euskadi. A súa compra representa un importante paso estratéxico dentro do grupo Reyco, que pasa a ter un volume de negocio que supera os 60 millóns de euros e dá traballo de forma directa a máis de 300 persoas.
Este avance estratéxico no proceso de crecemento do grupo Reyco, posiciona á empresa galega como un actor con máis peso no sector do transporte nacional e internacional, incrementando a súa presenza en España e fortalecendo o seu desenvolvemento noutros países.
O grupo Reyco reforza así a súa posición e presenza no mercado. A empresa pasará a ter tres importantes centros operativos: Foz, Valencia e Irún, xestionará unha frota de 500 camións e será un dos poucos operadores especializados en transporte intermodal por ferrocarril.
Á importante situación estratéxica do grupo para o transporte nacional e internacional e ás súas modernas instalacións Reyco suma o bo facer dunha das empresas máis fiables e con maior traxectoria dentro do sector en Euskadi, en total sintonía cos valores de Reyco, achegando un importante coñecemento e ampliando os servizos do grupo, como almacén aduaneiro, un forte posicionamento en servizos aos países do Leste con Donau Tránsitos Internacionais e algo moi destacable, Reyco será pioneira en transporte intermodal, dando un paso moi importante na loita pola redución de emisións de CO2 dentro do sector. Estes son servizos que complementarán e farán crecer as solucións loxísticas da firma galega.
Iván Marrube, CEO de Reyco, salienta que “este importante paso nos brindará más oportunidades de crecimiento así como el desarrollo de nuevas sinergias de colaboración con nuestros clientes y más y mejor servicio al cliente”.
Marrube sinala que “en todo este camino que estamos recorriendo es muy importante la confianza que nuestros clientes y colaboradores depositan en nosotros, una gran motivación a seguir avanzando, y sin duda también gracias a todas las personas que forman parte de Reyco, que cada día dan lo mejor de sí para abrir puertas a seguir mejorando, creciendo juntos y motivándonos con ilusión en un camino que no tiene techo”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
