Os populares reivindican o seu labor de oposición: fiscalizar ao bipartito “con respecto e intensidade” e facer propostas positivas ás que o goberno local vota sistematicamente en contra”
Burela, 15 de novembro de 2024. O PP de Burela explica, ante as declaracións da señora López Moreno, que “o Grupo Municipal Popular é a oposición ao seu goberno bipartito e dentro das nosas funcións está a de fiscalizar con máximo rigor as accións ou a falta de accións do mesmo”.
O portavoz, Manuel Rouco, sinala que “a diferencia do que a señora alcaldesa fai con nós, como representantes públicos do pobo de Burela, si que respectamos aos concelleiros e concelleiras do goberno local. Tal é así, que mantemos a mesma intensidade no control das súas accións, tal e como facíamos co goberno do seu predecesor. A diferencia é que a señora López Moreno non para de cometer erros importantes”.
Un dos exemplos que se fixo público recentemente é o feito de “prometerlle aos traballadores do Concello algo do que xa estaba advertida que non se podía facer. E, aínda así, mantivo esa promesa ata que os representantes dos traballadores viron que se achegaba o final de ano e que eses 200.000 euros que lles prometera en produtividade non se ían a repartir. Cando lle preguntaron recentemente por eses cartos tivo que recoñecer que non se ían poder repartir porque era ilegal, pero vostede voluntariamente non ía a dicir nada, mantiña o seu engano ata que foi presionada para que dixera a verdade”. Polo tanto, “a rexedora socialista de Burela actuou mal e así o denunciamos”. Ademais, “fíxoo sendo sabedora de que a partida na que ían incluídos eses cartos no orzamento non era a de produtividade senón a de continxencias, que non está legalmente disposta para esta finalidade”.
“Ante a respectuosa intensidade fiscalizadora do PP en relación ás súas accións ou falta delas, a señora López Moreno só saca a relucir, desde o comezo deste mandato, o insulto, a difamación e a mentira. Todo elo feito publicamente e sen rubor”, sinalan os populares que, ademais, condenan que “o leve ao terreo persoal chegando a negar publicamente o saúdo nos actos institucionais aos concelleiros e concelleiras da oposición, algo nunca visto en Burela”, inciden. “O respecto pola diversidade ideolóxica e a man tendida son palabras que a señora López Moreno pronuncia a miúdo, pero no que vai de mandato aínda non practicou”, segundo consideran.
PROPOSTAS PARA MELLORAR BURELA E A VIDA DOS VECIÑOS
Outra das funcións da oposición é a de levar propostas á corporación para tratar de mellorar a vida e o día a día dos veciños e veciñas; pero a resposta diaria, a case todas elas, por parte do equipo de goberno bipartito é un non rotundo aínda que foran ideas que a señora López Moreno compartira en plena campaña electoral”.
Os concelleiros do PP explican que “no que vai de mandato levamos iniciativas a todos os plenos, incluso son máis numerosas que a do propio goberno”. Algúns exemplos son a posta en funcionamento da radio local, un plan de limpeza regular e control sanitario das fontes, a retirada dos vehículos abandonados da rúa, pagar aos veciños polos terreos de Torrentes o que o Xulgado ditou ao Concello, un estudo para a localización do mercado dos venres…
Polo tanto, “a señora López Moreno non nos ten que pedir que fagamos propostas positivas para o pobo de Burela, xa as facemos. O que pasa é que a vostede non lle gusta que sexan ideas do Partido Popular e por iso vota sistematicamente en contra”, sinalan.
Ademais, aclaran que “non é certo que criticamos absolutamente todo” porque nos Plenos apoiamos algunhas das propostas das que levan o PSOE e o BNG, aquelas que consideramos que son aceptables e melloran o día a día da nosa veciñanza e que vemos que foron presentadas sen ningún tipo de irregularidade”.
“Se a señora López Moreno non quere criticas á súa xestión teno moi fácil: que faga as cousas ben. Por desgraza para os veciños e veciñas de Burela, as nosas predicións con respecto á súa xestión foron acertadas dende que comezou este mandato e os seus clamorosos erros non paramos de pagalos entre todos”, conclúen.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
