Viveiro, 15 de novembro de 2024. A Tenencia de Alcaldía, a través da Concellería de Comercio, que dirixe Iria Cotelo, comunica que o Concello de Viveiro vén de recibir unha subvención fundamental para a modernización da Praza de Abastos, reforzando así o seu compromiso co impulso económico e comercial da vila.
Este proxecto, que se inicia tras un minucioso estudo de actividades e usos do mercado e un anteproxecto xa completado, ten como resultado a creación da nova ‘Praza da Pescadería’. Esta proposta foi presentada recentemente ás e aos praceiros, garantindo un proceso participativo e transparente.
O proxecto de mellora das instalacións prioriza a venda de peixe, destacando non só pola súa presenza maioritaria na praza, senón tamén pola súa recoñecida calidade e diversidade. “Na nosa praza atopamos o que outras non teñen”, destaca a concelleira Iria Cotelo, subliñando a importancia de valorizar e potenciar este recurso local.
Entre as melloras propostas, destaca a introdución de novas posibilidades para a venda, como bancadas móbiles, ideais para ofrecer produtos da horta ou mel, e postos itinerantes e temporais que achegarán maior dinamismo e diversidade á oferta.
Ademais, o proxecto contempla a incorporación de dous postos fixos e un espazo de restauración onde se poderán degustar os produtos frescos da praza, atraendo tanto á veciñanza como ás persoas visitantes.
Esta iniciativa forma parte da estratexia de revitalización e modernización do tecido comercial de Viveiro, que busca adaptarse ás novas tendencias e necesidades, mantendo ao mesmo tempo a esencia e a tradición do mercado local.
O goberno local segue traballando para materializar estas melloras e consolidar a Praza da Pescadería como un punto de referencia para a economía local e un símbolo de calidade e innovación.
A subvención concedida ao Concello de Viveiro para a renovación da Praza de Abastos, enmarcada na Orde da Consellería de Emprego, Comercio e Emigración, ascende a un total de 16.320 euros, o que representa o 80% do investimento subvencionable de 20.400 euros.
Esta axuda cubre diferentes fases do proxecto, como o mentoring (1.920 euros), a diagnose da situación e usos do mercado (8.000 euros), e a documentación técnica para a obtención do distintivo de mercado excelente (6.400 euros).
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
