A Xunta de Goberno vén de dar luz verde á listaxe de beneficiarias do programa de Dotación e Mellora de Servizos Comunitarios que recibirán entre 1.000 e 6.000€ para mellorar redes de abastecemento, viais, locais sociais ou espazos públicos
Lugo, 27 de decembro de 2024. A Xunta de Goberno da Deputación de Lugo aprobou este venres a concesión das subvencións convocadas pola institución provincial a través do Programa para a Dotación e Mellora de Servizos Comunitarios por un importe total de 300.000€. As achegas repartiranse entre 51 asociacións da provincia para a execución de obras destinadas a mellorar a calidade de vida da veciñanza do rural como a mellora de redes de abastecemento, viais, locais sociais ou espazos públicos.
As achegas provinciais oscilan entre os 1.000€ e os 6.000€ e foron concedidas a entidades asociativas, tales como asociacións e agrupacións veciñais, comunidades de montes ou asociacións de gandeiros, agricultores ou produtores forestais de toda a provincia. A Voceira socialista do Goberno, Pilar García Porto, puxo en valor que “aínda que as axudas non teñen unha gran entidade económica, si terán unha gran relevancia social para mellorar o día a día da veciñanza”. E sinalou que a Deputación pretende facer chegar aos concellos do rural os servizos que necesita, traballando da man do tecido asociativo, que é quen mellor coñece as necesidades reais de cada territorio.
Grazas a esta liña de axudas de concorrencia competitiva, estas entidades poden acometer actuacións como o acondicionamento da contorna da área recreativa da Capela do Carme, en Castroverde, e a recuperación de tres fontes; mellorar captacións e reparar o abastecemento de auga en Villamane e Bidueiras, no concello de Becerreá; acondicionar o local social situado na antiga Casa Escola de Mercurín, en Folgoso do Courel; ou adecuar o camiño denominado Candevila, no concello de Friol.
Licitadas as obras da granxa de Porco Celta
A Xunta de Goberno sacou tamén adiante, por un importe de 1,5M€, a licitación das obras da granxa de porco celta na finca Gayoso Castro que a institución provincial ten en Castro de Rei e a rehabilitación de diferentes tramos en tres estradas da provincia ao seu paso polos concellos de Riotorto e Bóveda.
Por unha banda, a Deputación licitou as obras da granxa de porco celta cun orzamento de 1.057.404,26€. Uns traballos que consistirán na construción dun espazo multifuncional de máis de 1.000m2 na finca Gayoso Castro e que incluirán unha nave de produción, zona de corentena, aularios, vestiarios e almacenaxe e con capacidade máxima para 24 porcas de cría e 5 porcos reprodutores. O prazo de execución desta actuación será de 12 meses desde o seu inicio.
O Presidente da Deputación, José Tomé Roca, cumpre así co seu compromiso de licitar estas obras antes de que acabe o ano para que as instalacións poidan estar funcionando no ano 2026.
Medio millón de euros para o arranxo de estradas en Riotorto e Bóveda
No que ten que ver coas estradas provinciais, aprobouse a licitación das obras de dous proxectos que afectarán a diferentes tramos de tres estradas provinciais: a LU-P-4404 en Riotorto; e as LU-P-0910 e LU-P-0903, en Bóveda.
En Riotorto, a Deputación de Lugo investirá 194.126,22€ na rehabilitación de tres quilómetros do firme da estrada que conecta Riocabo e As Rodrigas, nun tramo que vai desde o quilómetro 15 ao 18,03. Os traballos consistirán na drenaxe mediante a reapertura e mellora das cunetas, pavimentación con aglomerado en quente, o pintado da vía mediante marcas reflexivas brancas e reposición da sinalización vertical. O prazo de execución será de dous meses desde o inicio dos traballos.
En Bóveda, a institución provincial destinará 297.908,10€ para a mellora de dúas estradas, a que vai en Rubián desde a LU-P-0907 ata Mosteiro Vello por Vilarbuxán; e a que conecta Bóveda coa autonómica LU-611 pola Raíña. No primeiro caso actuarase desde o inicio da vía ata o punto quilométrico 5,477; e no segundo no treito que vai desde o 0,175 ata o7,453. Os traballos consistirán na reapertura de cunetas, limpeza de drenaxe, reparación de desperfectos e repavimentación. O prazo de execución será tamén de dous meses desde o comezo das obras.
Colaboración con FUDACE para mellora e ampliación do seu centro residencial
Aprobada tamén na Xunta de Goberno unha achega por 135.000€ á Fundación de Dano Cerebral (FUDACE) para colaborar cos gastos de reforma e ampliación do centro de atención a persoas con dano cerebral que a entidade xestiona nun espazo cedido pola Deputación en Castro de Rei.
Concretamente, este investimento da institución provincial servirá para a reparación exterior dos dous edificios que forman o centro e da pasarela que os conecta, coa instalación dun revestimento que garanta a impermeabilización do edificio e a substitución das ventás; e tamén para dotar ao centro dunha sala para o descanso do persoal e de visitas para os residentes. As obras desenvolveranse durante as anualidades 2025, 2026 e 2027 e o investimento necesario para acometelas ascende a 208.498,89€, dos que a Deputación achegará preto do 65%.
O centro que FUDACE ten en Castro Riberas de Lea está situado na antiga Escola Fogar, no complexo que comprende tamén a Granxa Gayoso Castro, e foi cedido pola institución provincial a esta entidade no ano 2002 e ata o 2067. O centro conta con 28 prazas para persoas con dano cerebral de toda Galicia que son atendidas por 23 traballadores.
Listaxe de emprego de ATS e terapeuta ocupacional para os CAMs
Aprobada ademais a proposta para ampliar as listaxes de emprego de ATS e terapeuta ocupacional que prestan servizos de carácter temporal nos Centros de Atención a Maiores da Deputación de Lugo. Trátase dunha medida para facilitar a prestación de servizos no caso da acumulación de tarefas e substitucións, no caso dos ATS esta medida servirá tamén para adaptarse ao cambio de normativa que obriga a ter máis persoal por residente.
Contrato para o desbroce en 11 concellos
A Xunta de Goberno deu tamén este venres o visto bo á licitación do contrato dos servizos de roza de maleza nas estradas provinciais de 11 concellos da provincia por importe de 218.129,34€ para a anualidade do 2025, con opción dunha prórroga por un ano máis. Concretamente, este contrato afecta aos lotes 2, 6 e 22 que corresponden cos municipios de Burela, Cervo, Foz, O Valadouro e Alfoz; A Pontenova, Riotorto e A Pastoriza; e Folgoso do Courel, Quiroga e Ribas de Sil, respectivamente.
No que ten que ver cos contratos, aprobouse tamén a adxudicación da subministración dos equipos de impresión, copia e escaneo da institución provincial. Resultou adxudicataria a empresa Solitium SL por un prezo de 446.925,6€ por un período de dous anos, coa posibilidade de prórroga anual ata un máximo de dous anos adicionais. Tamén quedou adxudicada a contratación dos servizos de comunicacións da rede interadministrativa provincial da Deputación e que inclúen telefonía, datos e acceso a internet por 1.128.828,36€. A adxudicataria é Telefónica Soluciones de Informática y Comunicaciones de España SAU e a duración do contrato será de dous anos, prorrogables por outros dous ata un máximo de catro anos.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
