Na reunión mantida onte co Secretario de Estado de Medio Ambiente e a Directora Xeral da Auga, o goberno municipal logrou o compromiso de inicio dos traballos para a posta en marcha do procedemento de participación de Acuaes na construción da EDAR
Barreiros, 11 de decembro de 2024. A Secretaría de Estado de Medio Ambiente, dirixida por Hugo Morán, comprometeu onte o inicio das actuacións para que a empresa pública estatal ACUAES poida financiar e executar a construción da EDAR en San Miguel.
Na reunión mantida no Ministerio para a Transición Ecolóxica pola alcaldesa de Barreiros, Ana Ermida -acompañada da segunda tenente de alcaldesa, Carmen Veiga, e o concelleiro de Medio Ambiente, Dámaso Ratoeira,- co Secretario de Estado de Medio Ambiente, Hugo Morán, e a Directora Xeral da Auga, María Dolores Pascual Vallés, trasladouse a posibilidade de iniciar esa vía ante o desentendemento da Xunta de Galicia.
A alcaldesa amosou a súa “satisfacción e unha alegría inmensa por comezar a ver unha luz nun asunto que parecía encallado e condenado a non solucionarse, se non se avanzaba na aportación da Xunta de Galicia”.
Ana Ermida agradeceu “a receptividade e a empatía amosada polo departamento ministerial e, en concreto, polo Secretario de Estado e a Directora Xeral da Auga; que abren a vía a contar cunha nova EDAR que poida dar solución a unha problemática existente en Barreiros desde hai décadas e que ninguén parecía abordar con seriedade”.
A rexedora lembrou que desde este goberno municipal levan cinco anos xestionando esta cuestión e trasladando a todas as instancias a situación, a fin de chegar a un punto que permita facer realidade unha das obras máis necesarias no municipio, que afecta ao saneamento das parroquias de San Miguel e Reinante. “Hai que ir paso a paso. E o primeiro será a visita do persoal técnico de ACUAES para coñecer a situación e o terreo e facer as previsións técnicas e económicas para desenvolver o proxecto” .
Ermida cre que é o “primeiro paso que nos pode levar a unha solución definitiva” e traslada que continuarán buscando financiación por todas as vías para tratar de reducir ao máximo a aportación que teña que facerse por vía municipal. Neste sentido, avanza que “unha vez que se teñan feitos os primeiros cálculos de actualizacións e de proxecto, continuaremos coas xestións con outras administracións para a aportación de fondos e constatar o compromiso real con Barreiros e a súa veciñanza”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
