A Fundación Expomar organiza a segunda edición do chamado “Día do Orgullo Mariñeiro”, que se celebrará en Burela e en toda a Mariña Lucense ao longo deste xoves, 5 de decembro
Burela, 4 de decembro, 2024. A Fundación Expomar volve poñer en valor a importancia da cultura mariñeira de Burela coa celebración do segundo “Día do Orgullo Mariñeiro”, que volverá combinar este xoves 5 de decembro a divulgación nas escolas, a exaltación da cultura mariñeira e a gastronomía do mar.
Como novidade, á promoción gastronómica únense este ano 15 locais de hostalería de Acia Burela, co obxectivo de ir abrindo cada vez máis esta celebración a máis xente e poder chegar a tódolos públicos.
“Orgullo Mariñeiro nas Escolas”
O día comezará nos comedores escolares de oito colexios públicos da Mariña Lucense, onde máis de 700 nenos e nenas comerán ese día filetes de “Merluza de Burela” nos seus menús. Carmela López e Antonio Basanta, en representación da Fundación Expomar, do Concello de Burela e da Consellería do Mar, visitarán unha cociña e un comedor escolar durante esta xornada.
“Orgullo Mariñeiro na Memoria”
A segunda parte da xornada celebrarase pola tarde no auditorio da Casa da Cultura de Burela, coa charla-coloquio titulada “Mirando a popa e mirando a proa”, na que distintas personas vinculadas á historia do Mar de Burela falarán das súas experiencias. Nela participarán mariñeiros e as súas familias, ruleros, supervivintes de naufraxios, compradoras de peixe, estivadoras e outros traballadores do porto.
A xornada cultural completarase coas intervencións da presidenta da Fundación Expomar e alcaldesa de Burela, Carmela López, e do director xeral de Pesca da Conselleríao do Mar da Xunta de Galicia, Antonio Basanta.
“Orgullo Mariñeiro Musical”
A actuación do grupo musical “Medio Quinhón” servirá de enlace entre o acto no auditorio e a festa gastronómica, cun pasarrúas desde a Casa da Cultura ata a carpa na Praza da Mariña.
“Orgullo Mariñeiro na Praza”
A partir das 8 da tarde, a carpa do Nadal de Burela acollerá unha celebración gastronómica popular, con degustación gratuíta de receitas elaboradas con diferentes especies da lonxa de Burela.
“Orgullo Mariñeiro nos Bares”
Como novidade deste ano, a hostalería local de Acia Burela colabora na celebración, na que ata 15 locais ofrecerán esa noite diferentes tapas e pratos de “Merluza de Burela”.
Esta acción está organizada pola Fundación Expomar coa colaboración do Concello de Burela, e cofinanciada pola Xunta de Galicia e o Fondo Europeo Marítimo, de Pesca e de Acuicultura (FEMPA).
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
