A mellora das infraestruturas, a aposta polos servizos públicos, o apoio á educación, ao deporte e a cultura, ou o fomento do emprego e do benestar social son algúns dos eixos principais duns orzamentos que ascenden a 8.179.762,58 euros
Cervo, 20 de decembro do 2024. O Concello de Cervo presenta uns orzamentos para o vindeiro ano cuxa cifra ascende a 8.179.762,58 euros que se ratificaron no pleno que se celebrou este mesmo venres, buscando un equilibrio entre o desenvolvemento social e económico, sen perder de vista os obxectivos principais da xestión municipal que é o mantemento e mellora dos servizos públicos; das nosas infraestruturas, o apoio á educación, á cultura, ao deporte… e o fomento do emprego e do benestar social, sen perder de vista nunca o compromiso co medioambiente, afondou a alcaldesa, Dolores García Caramés, que debullou as cifras este mesmo venres.
Tal e como precisou, presentamos uns orzamentos realistas, que responden aos principios da prudencia e da responsabilidade, co obxectivo sempre de seguir a prestar uns servizos públicos de calidade par a nosa veciñanza, cumprindo os principios da eficiencia e da eficacia na xestión do gasto público; e sen incrementar os impostos á veciñanza.
Estes orzamentos volven reflectir a clara aposta deste equipo de goberno pola xestión directa dos servizos, sempre unha prioridade para nós. Tamén se reserva unha partida importante dentro do orzamento no capítulo de gastos correntes que ascende a algo máis de 3 millóns de euros. O que demostra que o Concello seguirá estando ao carón do tecido asociativo de Cervo, ofrecendo cooperación continua e tamén axudas directas aos diferentes clubs e asociacións do municipio, como piares esenciais para o noso desenvolvemento cultural, social e económico.
A alcaldesa explicou que se trata dun documento que reflexa as nosas prioridades, sempre ao carón do tecido asociativo, das familias e da nosa mocidade, e a visión de futuro que temos para Cervo.
Un orzamento que non só é unha cifra –engadiu- é a folla de ruta para mellorar a calidade de vida de cada un dos nosos veciños, para impulsar o desenvolvemento do noso pobo, e garantir que cada recurso se empregue de xeito eficiente e responsable.
Este orzamento caracterízase por un enfoque pois equilibrado e responsable e cun forte compromiso cara a transparencia, cun plan de investimentos que optimiza o uso dos recursos públicos, garantindo a sustentabilidade financeira do noso concello a longo prazo.
A mellora das infraestruturas e dos servizos públicos, o apoio á educación e a cultura, ou o fomento do emprego e do benestar social son eixos principais dos nosos orzamentos; que tamén amosan o noso compromiso co medio ambiente, afondou.
Tratamos de seguir construíndo así un Cervo máis inclusivo, máis moderno e sostible; e o traballo conxunto entre a administración local é a cidadanía seguirá a ser fundamental neste camiño, por iso seguiremos estando preto das familias e de todos os colectivos culturais, deportivos e educativos, para seguir medrando xuntos e dinamizando o noso Concello, sentenciou.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
