Completan o cartel o grupo de rock AWY, que pasou por Factor X e a formación de Castela e León, Perro Futuro
Cervo, 26 de novembro de 2024. A asociación cultural Amigos da Troula organiza, en colaboración co Concello de Cervo, a sexta edición do Callo Fest, o venres 27 de decembro. Trátase dun festival máis que consolidado no panorama musical da Mariña nunhas datas tan sinaladas como o Nadal, que serve, tamén, como un ensaio das badaladas de fin de ano.
O principal cabeza de cartel desta edición será o grupo Me Fritos And The Gimme Cheetos, un grupo que nace no ano 2016 para facer versións das mellores cancións a ritmo de punk-rock melódico, con moitas ganas de facer festa.
Outro dos principais alicientes desta cita será o grupo portugués Foo Riders, tributo do mítico grupo americano de rock alternativo Foo Fighters, que interpretarán sobre o escenario temas clásicos da banda, que conta con himnos como Everlong, The Pretender ou Times Like These.
Chegado desde A Coruña, e cun recente paso polo programa Factor X, chega o grupo AWY. A banda chegou a tocar ante 50.000 persoas no Rock ‘n’ Roll Running Series de Madrid, no Wizink Center.
Por último, o Callo Fest acollerá un dos primeiros concertos da banda Perro Futuro, que conta nas súas filas con Suso Valcárcel, ex batería da banda Supernatural, que pasou polo Callo Fest no ano 2018.
Para o remate, como todos os anos, haberá unha disco móbil, que amenizará o ambiente coa mellor música de rock de todos os tempos e callos de balde para todas as persoas asistentes.
Desde a asociación Amigos da Troula sinalan que “o cartel do Callo Fest vai medrando ano a ano, o que nos produce unha gran satisfacción e consideramos que, cada vez máis, realizamos unha proposta coa que o público de Cervo e arredores está máis que contenta”.
Pola súa banda, a alcaldesa de Cervo, Dolores García Caramés, considera que “o Callo Fest é unha das citas musicais do ano en Cervo, que ademais nos serve para complementar a programación cultural, e que reflicte os gustos nesta materia dunha gran parte da veciñanza”.
A rexedora quixo incidir na importancia de “apostar pola cultura a través deste tipo de eventos, que traen ao noso municipio artistas importantes e que amplían a axenda de ocio durante os 365 días do ano”.
Por último, García Caramés anima a “achegarse ao Callo Fest o vindeiro 27 de decembro xa que, ademais do apartado musical, espérannos moitas outras sorpresas para todas as persoas asistentes”.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
