O BNG esixe a posta en marcha de medidas urxentes para garantir a reactivación do servizo de emerxencias
Cervo, xoves 19 de decembro. O BNG afirma que “o goberno municipal do PP en Cervo tomou a preocupante decisión de pechar o servizo de emerxencias que dende hai anos garante unha atención inmediata aos cidadáns en situacións críticas. Para o BNG esta medida supón deixar aos veciños e veciñas sen un dos servizos esenciais para a súa seguridade e benestar, pon de manifesto a incapacidade da Administración local para xestionar e manter un servizo público que foi fundamental para a comunidade”.
Incumprimento das normas de seguridade
“Dende hai unha década, o Concello de Cervo demostrou unha total falta de compromiso para solucionar as carencias deste servizo de emerxencias, optando no seu lugar por unha xestión ineficaz e neglixente. A propia alcaldesa recoñeceu públicamente que, ao longo destes anos, o goberno municipal incumpriu de forma sistemática as normas de seguridade que protexen tanto aos empregados do servizo como aos propios cidadáns. Isto provocou que os traballadores se expoñan a condicións laborais perigosas, sen as medidas adecuadas para a súa protección, o que desencadenou nunha situación insostible”.
Para o BNG, e en palabras do seu portavoz municipal Diego Fernández “resulta incomprensible que, despois de tantos anos de avisos e queixas, a administración non teña implantado solucións eficaces para garantir un servizo de emerxencias seguro e funcional”. Asegura tamén Fernández Martínez que “o peche deste servizo non só reflicte unha total falta de planificación, senón tamén un desprezo á seguridade dos cidadáns e á integridade dos empregados que, a pesar das condicións precarias, seguiron traballando para prestar atención en tempos de urxencia”.
Abandono dun servizo público esencial, incapacidade e desinterese
Desde o grupo municpal do BNG consideran que os responsables desta grave decisión deben responsabilizarse do abandono dun servizo público esencial e do descoido do cumprimento dunha normativa que puxo en risco tanto aos traballadores como á poboación. E manifestan tamén que “este é un claro exemplo da incapacidade e desinterese do goberno municipal por salvagardar os intereses dos seus veciños, deixando á comunidade desprotexida ante situacións de emerxencia”.
Posta en marcha de medidas urxentes. A Xunta de Galicia tén as competencias en seguridade
O BNG de Cervo esixe ás autoridades locais unha resposta inmediata, así como a posta en marcha de medidas urxentes que garantan a reactivación dun servizo de emerxencias adecuado, que cumpra coas normas de seguridade e atenda ás necesidades da cidadanía.
Desde o BNG demándanlle tamén ao PP máis seriedade e rigurosidade, pois é a Xunta de Galicia quen tén as competencias en materia de seguridade, polo que non son de recibo as declaracións de mandatarios do PP derivando o problema cara outras administración, pois aquí hai dous responsables: o concello de Cervo, que á vista dos feitos foi incompetente para xestionar o GES, e a propia Xunta de Galicia que é quen tén as competencias.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
