Elena Candia recorda que “non é a primeira vez” que o presidente da Deputación “emprega este tipo de actitudes cando se sinte acurralado”, o que evidencia é o seu nerviosismo e inseguridade e que “o Partido Popular está no bo camiño e é a única opción para que a provincia de Lugo volva á senda do crecemento”
Lugo, 7 de decembro de 2024. A presidenta provincial do Partido Popular de Lugo, Elena Candia, afea ao presidente da Deputación, José Tomé, que “unha vez máis teña que recorrer aos ataques persoais e ás descualificacións” para tentar defender as súas políticas.
Elena Candia fai esta reflexión tras ver “os ataques persoais” que Tomé realizou contra o voceiro do PP na Deputación de Lugo, Antonio Ameijide, e recorda como “cando carece de argumentos e dende o Partido Popular desmontamos as súas mentiras con argumentos, datos e feitos, recorre a este tipo de actitudes, como fixo no seu momento contra min, o único que amosa é o seu nerviosismo e inseguridade”.
Dende o PP de Lugo afirman que “se isto é o único que pode aportar Tomé á provincia é un síntoma de que estamos ante un político débil e esgotado” que “ante o nerviosismo que lle provoca carecer de argumentos recorre ao ataque persoal e ao insulto”.
“Isto é un indicativo de que o Partido Popular está no bo camiño e está a realizar un bo traballo de escoita activa e diaria dos veciños da provincia e buscando solucións aos problemas plantexados, ante un goberno esgotado e carente de argumentos para que a provincia volva á senda do crecemento”.
PLAN DE MELLORA DAS ESTRADAS PROVINCIAIS
Dende o PP de Lugo recordan que “non inventamos nada, xa que todos os datos nos que nos baseamos están extraídos da pouca documentación oficial que facilita o goberno de PSOE e BNG que, entre outras cousas, caracterízase por ser pouco transparente”.
“Por moito que o presidente da Deputación repita que o plan de mellora de estradas son 27M€ non vai a ser unha realidade, basta con ver as 80 actuacións que anunciou e que o importe de cada unha que suman un total de 13M€, non hai máis”, sinalan.
Neste senso, dende o PP de Lugo recordan como “hai unhas semanas pedimos un aumento do investimento en estradas, chegando ata os 20M€, propoñendo de onde quitar os cartos, dos convenios que dan a dedo aos seus amigos”.
A realidade é que en 66 dos 67 municipios da provincia o mal estado de mantemento das estradas da Deputación é a principal reivindicación dos veciños, “agás no concello que goberna Tomé, demostrando así a súa total insolidariedade”.
Tamén recordan que “a memoria de Tomé é corta e selectiva” xa que ao pleno de outubro “o Grupo Provincial Popular levou unha moción con máis de 50 propostas para incorporar aos orzamentos do vindeiro ano” froito do traballo realizado nas xuntanzas cos alcaldes e voceiros do PP nos 67 municipios da provincia, “que son as persoas que están en contacto directo e diario cos veciños e, por tanto, os que mellor coñecen as necesidades de cada localidade”.
Unha batería de propostas que PSOE e BNG se negaron a ter en conta “e que rexeitaron no pleno”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
