Os deputados provinciais, Antonio Ameijide, Demetrio Salgueiro, Clemente Iglesias e José María Fernández, comprobaron o estado das estradas provinciais nestes concellos xunto aos voceiros municipais de cada un deles, Mariña Gueimunde, Eugenia Requeijo e José Hermida, e veciños afectados
A Mariña, 5 de decembro de 2024. Segundo pasan os días tralo anuncio de José Tomé dun “ambicioso” plan de mellora da rede viaria provincial aparecen máis evidencias que deixan claro que “o plan anunciado polo presidente ten moitas carencias e pode ser calquera cousa menos ambicioso”.
Os deputados populares, Antonio Ameijide, Demetrio Salgueiro, Clemente Iglesias e José María Fernández, comprobaron “o nefasto” estado de conservación da rede viaria provincial en Viveiro, Muras e Ourol xunto a veciños aos voceiros populares nestes municipios, Mariña Gueimunde, Eugenia Requeijo e José Hermida, respectivamente.
O voceiro provincial popular, Antonio Ameijide, explica que pese a que “PSOE e BNG falan dun plan ambicioso, nestes concellos vemos a proba máis evidente da falta de ambición e da ausencia de solución aos problemas que teñen os veciños da provincia”.
Unha situación ante a que os veciños desta comarca comezaron unha recollida de sinaturas para reclamar á Deputación o arranxo urxente das estradas provinciais que percorren os seus concellos xa que hai “unha necesidade moi importante de mellora de toda a rede de estradas”.
Un dos exemplos do mal estado da rede viaria nestes concellos e da falta de atención por parte do goberno provincial de PSOE e BNG é a estrada provincial LU-P-6502, que segundo o anunciado por Tomé se vai a arranxar, pero “unicamente se vai a actuar no 8% da estrada a pesar de que está desfeita na súa totalidade”.
Mostra da falta de ambición do plan de Tomé é que entre estes tres municipios unicamente se actuará en dúas estradas provinciais, destacando que no caso de Viveiro non se realizará tarefa algunha de mellora.
De feito, entre Viveiro, Muras e Ourol suman case 197 quilómetros de estradas provinciais (196.972 en total) e a realidade é que “o ambicioso plan de Tomé”, ironizou Ameijide contempla actuar en 9.55 quilómetros entre os tres municipios.
Unha evidencia máis do “mal plan” anunciado por Tomé é que, como xa explicaron dende o Grupo Provincial Popular, unicamente prevé actuar no 6% da rede provincial (en 280 dos 4.217 quilómetros da rede) e que “non investirá 27M€ como anunciou o presidente provincia, senón que quedará en 13M€, os mesmos que hai consignados nos orzamentos para o vindeiro ano e que, como xa denunciamos dende o Partido Popular, son insuficientes para realizar o mantemento da rede viaria”.
Neste senso, Antonio Ameijide recorda que “como fixemos ata agora durante todos estes anos seguiremos apoiando as reclamacións dos veciños en canto á necesidade de renovar a rede de estradas provincial que están nunha situación lamentable, intransitable e perigosa e non pararemos ata que volva a unha situación de normalidade para facilitar a mobilidade de todos os lucenses”, sentenciou.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
