O portavoz, Manuel Rouco, aposta “clara e directamente por contribuír ao desenvolvemento das empresas e negocios locais, incrementar o apoio ás familias, xestionar o día a día da veciñanza e incrementar o investimento real para a mellora de bens e servizos municipais”
Burela, 18 de decembro de 2024. A presidenta, Elena Candia, e o secretario xeral do PP da provincia de Lugo, Javier Vázquez Nodal, participaron nunha reunión de traballo co PP de Burela que se enmarca dentro da programación de reunións coas agrupacións locais co obxectivo de reforzar a estrutura do partido e potenciar o contacto cos distintos grupos de traballo polos concellos da provincia.
Os populares aproveitaron para analizar o crecemento e consolidación do PP local no último ciclo electoral, así coma o seu enorme crecemento nas redes sociais que posibilita que a información sobre o proxecto do Partido Popular de Burela chegue cada vez a máis veciños e veciñas e, especialmente, á xente moza.
Tamén fixeron balance do que vai de mandato en Burela, analizaron a actualidade municipal e afondaron en novas liñas de actuación coas que favorecer o desenvolvemento de Burela e posicionarse como clara alternativa ao actual bipartito.
O portavoz, Manuel Rouco, cre que “o goberno PSOE-BNG que preside a señora López Moreno suspende en transparencia (o Portal de Transparencia segue sen estar actualizado e tampouco facilitan a documentación en tempo e forma). Ademais, di que “se caracteriza pola actitude ditatorial da rexedora (que prohibe falar aos concelleiros por alusión durante o pleno a pesar de que teñen dereito a réplica) e as continuas irregularidades e ilegalidades que se evidencian, claramente, coa repetición de plenos para rectificar procedementos e destaca por non acometer ningún proxecto de calado para a vila”. De feito, baixaron os investimentos reais no último ano; toda vez que “Burela xa estaba á cola da Mariña en investimento de diñeiro público en licitación de obras e servizos”.
Fronte a este bipartito, o Partido Popular de Burela traballa nun proxecto que “aposta clara e directamente por contribuír ao desenvolvemento das empresas e negocios locais”, incrementar os apoios ás familias para favorecer o asentamento da poboación, incentivar o asociacionismo e apoiar as súas actividades (por exemplo, revisando as bases das axudas municipais para simplificar a súa tramitación) para dinamizar a vida social da vila e xestionar debidamente o Concello para garantir a prestación de servizos e a atención do día a día dos veciños e “captar axudas que permitan incrementar o investimento real en bens e servizos para o municipio que redunden na mellora da calidade de vida dos veciños e veciñas de Burela”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
