A Axencia de Turismo de Galicia rexeitou a distinción de Festa de Interese Turístico de Galicia “por falta de acreditación do requisito de arraigamento da feira”
Vilaba, 13 de decembro de 2024. A Agrupación Provincial Socialista de Lugo considera “premeditado e ofensivo para os vilalbeses e vilalbesas” que a Xunta de Galicia, a través da Axencia de Turismo de Galicia, poña en dúbida o “arraigamento” da Feira do Capón de Vilalba.
“Tivo que ser un goberno local liderado polos socialistas o primeiro que solicitase a distinción de Festa de Interese Turístico de Galicia para a Feira do Capón de Vilalba”, lembra Pilar García Porto, secretaria de Organización dos socialistas da provincia.
“E agora, aínda que intenten desviar a atención botándolle a culpa ao concello, o que fai a Xunta do PP é tapar con outro erro grave ese erro histórico do PP de Vilalba”, explica García Porto, que lamenta “o despropósito, xa que poucas feiras hai en Galicia con máis arraigamento e fama en toda España que a do capón de Vilalba”.
Os socialistas da provincia de Lugo lembran que o goberno de Vilalba propúxolle ao pleno municipal a solicitude da declaración de Festa de Interese Turístico para a Feira do Capón. Todos os grupos políticos por unanimidade aprobaron a solicitude, xunto co expediente a remitir elaborado por persoal técnico do Concello, sen que o PP formulase obxección algunha á documentación.
O pasado 2 de decembro, o Concello de Vilalba recibiu a desestimación por falta de acreditación do requisito de “arraigamento da feira”.
“Estou convencida de que o Concello de Vilalba recibirá finalmente a distinción grazas ao goberno liderado pola socialista Marta Rouco, e a Xunta de Galicia terá que recoñecer o seu erro e rectificar, por moito que pretenda desviar a atención”, remata García Porto.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
