A Deputada Pilar García Porto presidiu a última reunión do ano do Consello Provincial de Turismo, na que detallou as principais iniciativas de promoción, entre as que destacan programas como o Coñece a túa provincia, as rutas polo románico, a presenza en feiras internacionais, así como patrocinios con gran impacto turístico como La Vuelta
Lugo, 12 de decembro de 2023. A Vicepresidenta do Consello Provincial de Turismo e Deputada de Réxime Interior, Promoción do Territorio e Turismo, Pilar García Porto, presidiu este venres no Salón de Plenos da Deputación a última reunión do ano deste órgano participativo e consultivo, no que detallou os principais logros e accións desenvoltas pola institución provincial no ámbito do turismo.
Durante a reunión, Pilar García explicou que a Deputación pechou o 2024 reforzando o seu compromiso cun modelo turístico deseñado para posicionar a provincia “como un destino de referencia, cunha oferta diversa e respectuosa co medio ambiente, que fomenta o desenvolvemento económico local e a valorización do patrimonio cultural e natural da provincia de Lugo”. Puxo de relevancia o incremento das accións estratéxicas de turismo desenvoltas pola institución provincial, logrando realizar un total de 60 actuacións, dez máis que no pasado ano.
“Este aumento supón un paso importante para consolidar a provincia como destino turístico de referencia, destacando pola súa oferta diversa, respectuosa co medio ambiente e cun forte compromiso co desenvolvemento económico local e a sostibilidade”, afirmou a Deputada.
Promoción turística e proxección internacional
Entre os programas destacados do 2024 figura Coñece a túa provincia, que permitiu a 82 asociacións realizar excursións gratuítas por 67 concellos, contribuíndo a achegar o patrimonio lucense aos lucenses participantes. Pola súa banda, as Rutas polo Románico facilitaron que 297 persoas desfrutasen de visitas guiadas a monumentos de gran valor histórico e cultural.
A proxección nacional e internacional tamén foi un eixo clave da estratexia turística da Deputación. A institución participou en feiras como FITUR, Biocultura e Xantar, destacando a riqueza gastronómica e patrimonial de Lugo. Ademais, a colaboración en grandes eventos como La Vuelta e o Campionato de España de Taekwondo foi decisiva para fortalecer a imaxe de Lugo como un destino turístico accesible, atractivo e de calidade.
Avances en ecoturismo e turismo intelixente
Neste ano a Deputación de Lugo deu un paso máis na implementación do turismo intelixente e nas experiencias de ecoturismo, logrando recoñecementos como a certificación Starlight para a zona de Os Ancares Lucenses. Este selo, que destaca a calidade do ceo nocturno e a súa protección, afianza a provincia como un destino ideal para os amantes do turismo de natureza e das experiencias sustentables.
A Deputación tamén patrocinou grandes eventos, como La Vuelta, e desenvolveu materiais promocionais, como o libro Lugo Románico, que reforzan a visibilidade e a imaxe da provincia como destino turístico de referencia.
Éxito das rutas fluviais
As rutas fluviais superaron todas as expectativas en 2024, con 61.487 viaxeiros, dos cales 46.954 optaron pola Ruta do Canón do Sil e 14.533 pola Ruta do Cabo do Mundo. Segundo as enquisas, o 76 % dos participantes visitaban a Ribeira Sacra por primeira vez, e o 44,83 % destacou a ruta en catamarán como a principal actividade da súa estadía. Entre os aspectos mellor valorados sobresae a amabilidade do persoal e a calidade da información.
Premios á excelencia turística e gastronómica
A Deputación de Lugo volveu destacar este ano o labor de entidades e eventos que contribúen á promoción turística e á sostibilidade na provincia a través dos premios á excelencia turística e gastronómica. Os galardoados na categoría Lugo Cambia ao Turismo Lucense foron a Ruta dos Lobos da Fonsagrada e o Complexo Histórico e Recreativo das Minas Consuelo e Boulloso da Pontenova. Na categoría Gastronomía Lucense recibiron o recoñecemento a Feira do Capón de Vilalba e a Festa da Cereixa, do Viño e do Aceite, do Concello de Ribas de Sil. Finalmente, na categoría Turismo Sostible, os galardoados foron o Barco Museo Boniteiro Reina del Carmen, do Concello de Burela, e outorgouse un accésit Mostra Exposición de Muimenta (MOEXMU).
Colaboración co tecido asociativo e os concellos
A Deputación destinou 380.000 euros para apoiar o tecido asociativo e os concellos, co fin de potenciar un turismo máis atractivo, sostible e desestacionalizado. Destacaron iniciativas con entidades como a Mancomunidade de Municipios da Mariña, o Consorcio da Ribeira Sacra, a Fundación Xesús Bal y Gay, a APEHL e a Asociación de Mulleres Rurais San Bartolomeu de Insua. Así mesmo, a través do Plan Deputación de Cooperación cos Concellos, investíronse preto de 200.000 euros para impulsar recursos turísticos, feiras, festas e campañas de promoción nos municipios da provincia.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
